દિવાળી અને બેસતા વર્ષ પર મહેમાન માટે મીઠાઈ લાવવામાં આવે છે. જો કે બજારમાં વેચાતી મીઠાઈ ભેળસેળ વાળી હોય છે, જે સ્વાસ્થ્યને નુકસાન કરે છે.
જો તમે ઘરે દિવાળી માટે શુદ્ધ અને સ્વાદિષ્ટ મીઠાઈ બનાવવા વિચારો છો તો મગસના લાડુ શ્રેષ્ઠ છે. મગસના લાડુ ઓછી સામગ્રીમાં સરળતાથી બની જાય છે. ચાલો જાણીયે મગસના લાડુની રેસીપી
બેસન એટલે ચણાનો લોટ, શુદ્ધ ઘી, ખાંડ બૂરું, એલચી પાઉડર, થોડુંદ દૂધ, કેસર, મનપસંદ ડ્રાયફુટના ટુકડા
હવે એક કઢાઈમાં ઘી ગરમ કરો, ત્યારબાદ તેમા ચણાનો લોટ નાંખો. સૌથી ખાસ વાત કઢાઈમાં ચણાનો લોટ સતત હલાવતા રહો, જેથી દાઝી ન જાય.
ચણાનો લોટ બરાબર શેકાશે એટલે તેની સરસ સુગંધ આવશે. હવે ચણાનો લોટમાં કેસર નાંખો, જેથી સ્વાદ સાથે રંગ પણ સારો આવશે.
ચણાનો લોટ બરાબર શેકાઇ ગયા બાદ તેને ગેસ પરથી નીચે ઉતારી તેને થોડુંક ઠંડુ થવા દો.
ચણાનો લોટ સહેજ ઠંડુ થયા બાદ જ તેમા ખાંડ બૂરું ઉમેરો અને બરાબર મિક્સ કરી લો. જો ગરમ લોટમાં ખાંડ બૂરું ઉમેરશો તો ઓગળી જશે અને લાડુ બરાબર બનશે નહીં.
હવે તેમા એલચી પાઉડર અને ડ્રાયફુટના ટુકડા ઉમેરી બધી સામગ્રી બરાબર મિક્સ કરી લો. દિવાળી પર મહેમાનો આવે ત્યારે ઘરની શુદ્ધ મીઠાઇ મગસના લાડુ ખવડાવી તેમનું મોં મીઠું કરાવો.