દૂધપાક ઘણા લોકોની મનપસંદ રેસીપી છે. જે એકદમ ટેસ્ટી લાગે છે.
અહીં તમને દૂધપાક બનાવવાની નવી ટ્રીક બતાવી રહ્યા છીએ. જેમાં ઓછી મહેનતે મલાઇદાર બનશે.
દૂધ, ચોખા, ખાંડ, કાજુ, બદામ, પિસ્તા,ચારોલી, એલાઇચી પાઉડર, જાયફળ પાઉડર.
એક વાટકીમાં થોડા ચોખા અને અન્ય એક વાટકીમાં કાજુ, બદામ, પિસ્તા,ચારોલી લો અને તેને 15 મીનિટ સુધી પાણીમાં પલાળી રાખો.
દૂધપાક બનાવવા માટે સૌ પ્રથમ ગેસ પર એક જાડા તળીયાવાડુ વાસણ મુકો. તેમાં એક ચમચી ઘી નાખો. પછી પલાળેલા ચોખા એડ કરો અને સારી રીતે મિક્સ કરો.
આ પછી તેની અંદર દૂધ નાખો અને સારી રીતે હલાવો. દૂધ ઉકળવા લાગે એટલે ગેસની ફ્લેમ ધીમી કરો. અંદર રહેલા ચોખાને સારી રીતે કુક થવા દઈએ.
જો તમારે દૂધને વધારે ન ઉકળવા દેવું હોય તો એક નવી ટ્રીક લઇને આવ્યા છે. આ માટે એક પેનમાં થોડું ઘી લો અને તેમાં થોડું દૂધ એડ કરો અને સારી રીતે મિક્સ કરો. ત્યારબાદ તેમાં મિલ્ડ પાઉડર એડ કરો.
આ પછી ગેસની ધીમી આંચ પર સતત હલાવતો રહો જેથી ગાંઠ ન પડી જાય. આ રીતે તેનો ઇન્સ્ટન્ટ માવો બની જશે. આ માવાને ગરમ થઇ રહેલા દૂધમાં એડ કરો અને બધાને સારી રીતે મિક્સ કરો.
આ પછી તેમાં તમે જે પ્રમાણે ગળ્યું ખાતા તે મુજબ ખાંડ ઉમેરો અને સારી રીતે મિક્સ કરો. ત્યારબાદ તેમાં બધા કાપેલા ડાયફ્રુટ, ઇલાયચી પાઉડર અને જાયફળ પાઉડર ઉમેરો અને થોડીવાર ઉકળવા દો.
આ પછી દૂધપાકને ગેસ પરથી ઉતારી લો. તમારો ટેસ્ટી દૂધપાક તૈયાર છે તેને તમે પુરી સાથે સર્વ કરી શકો છો.