ફરાળી ચેવડો વ્રત ઉપવાસમાં ફરાળ દરમિયાન ખાવામાં આવે છે. મોટાભાગના લોકો બજાર માંથી ફરાળી ચેવડો ખરીદે છે, જો કે તેમાં વધારે તેલ હોય છે, જે સ્વાસ્થ્યને નુકસાન કરે છે. આથી ઉપવાસ દરમિયાન બજાર જેવો જ ફરાળી ચેવડો ઘરે બનાવવાની રીત આપી છે.
બટાકા, કાચી સીંગ, મખાના, કાજુ, બદામ, તળવાના સાબુદાણા, સુકી દ્રાક્ષ, ફરાળી કાળું મીઠું, મીઠા લીમડાના પાન, લાલ મરચું પાઉડર, કાળા મરી પાઉડર, તેલ
ફરાળી ચેવડો બનાવવા માટે સૌથી પહેલા બટાકાની છાલ ઉતારી તેને ખમણી પર છીણી લો. પછી 3 - 4 વખત ચોખ્ખા પાણીમાં ધોઇ બટાકાની છીણ કોરી થવા દો
ગેસ ચાલુ કરી તેલ ગરમ કરો, તેમા બટાકાની છીણ ક્રિસ્પી બ્રાઉન થાય ત્યાં સુધી તળો, તળેલી બટાકાની છીણ ટીશ્યૂ પેપર પર મૂકો જેથી વધારાનું તેલ શોષાઇ જશે
હવે આજ તેલમાં કાચી સીંગ અને મોટા સાબુદાણા તળી લો.
તેવી જ રીતે કાજુ, બદામ, મખાના, સુકી દ્રાક્ષ અને મીઠા લીમડા પાનને સહેજ ફ્રાય કરો
હવે એક બાઉલમાં તળેલી બટાકાની છીણ, સીંગ, કાજુ, બદામ, સુકી દ્રાક્ષ અને મીઠા લીમડાના પાન નાંખો
પછી તેમા ફરાળી કાળું મીઠું અને કાળા મરી પાઉડર ઉમેરી બધી સામગ્રી બરાબર મિક્સ કરો
આ રીતે ઘરે બનાવેલો ફરાળી ચેવડો હવા ચુસ્ત ડબ્બામાં સ્ટોર કરો. હોમમેડ ફરાળી ચેવડો 10 થી 12 દિવસ સુધી ફ્રેશ રહેશે
વ્રત ઉપવાસ દરમિયાન ફરાળી ચેવડો સવાર - સાંજ ચા સાથે કે જ્યારે ભૂખ લાગે ત્યારે ખાવા માટે ઉત્તમ વાનગી છે.