1 કપ રાજગરાનો લોટ, 1 કપ શિંગોડાનો લોટ, 1/4 બાફેલા બટાકાનો માવો, 2 મધ્યમ કદના બાફેલા બટાકા, 1 ચમચી આદુ-મરચાંની પેસ્ટ, 1 ચમચી જીરું, 1 ચમચી સફેદ તલ, 1 ચમચી લીંબુનો રસ, થોડું સિંધવ મીઠું, 1/2 ચમચી કાળા મરી પાવડર, પાણી, તળવા માટે તેલ
એક વાસણમાં રાજગરાનો લોટ અને શિંગોડાનો લોટ લો. તેમાં છીણેલા બાફેલા બટાકા, આદુ-મરચાંની પેસ્ટ, જીરું, તલ, લીંબુનો રસ, સિંધવ મીઠું અને કાળા મરી પાવડર ઉમેરો.
બધી સામગ્રીને હાથથી બરાબર મિક્સ કરી લો જેથી બટાકા અને લોટ સારી મિક્ષ અપ થઇ જાય, ધીમે ધીમે જરૂર મુજબ પાણી ઉમેરતા જાઓ અને નરમ લોટ બાંધી લો.
લોટ બહુ કઠણ કે બહુ ઢીલો ન હોવો જોઈએ. તે ચકરી પાડવા માટે યોગ્ય હોવો જોઈએ, બાંધેલા લોટને ઢાંકીને 15 મિનિટ માટે રહેવા દો.
એક કડાઈમાં તેલ ગરમ કરવા મૂકો. તેલ મધ્યમ ગરમ થાય ત્યાં સુધી રાહ જુઓ, ચકરી બનાવવાના સંચાને તેલથી ગ્રીસ કરી લો અને તેમાં લોટનો થોડો ભાગ મોલ્ડમાં ભરો.
ગરમ તેલમાં સીધી જ ચકરી પાડતા જાઓ. ચકરીને મધ્યમ આંચ પર ગોલ્ડન બ્રાઉન અને એકદમ ક્રિસ્પી થાય ત્યાં સુધી તળો. બંને બાજુથી સરખી રીતે શેકાય તે માટે તેને વચ્ચે-વચ્ચે ફેરવતા રહો.
તળાઈ જાય એટલે ચકરીને તેલમાંથી કાઢી ટીશ્યુ પેપર પર મૂકો જેથી વધારાનું તેલ શોષાઈ જાય, ઠંડી થાય પછી ફરાળી ચકરીને એરટાઈટ કન્ટેનરમાં ભરી લો. તે લાંબા સમય સુધી તાજી અને ક્રિસ્પી રહેશે.