1 કપ સાબુદાણા, 3-4 બટેટા, 2-3 ચમચી સિંગદાણા, થોડી કોથમીર, 1/2 ચમચી આદુનું પેસ્ટ, 2 લીલા મરચાની પેસ્ટ, 2-3 મીઠા લીમડાના પાન, 1 ચમચી સફેદ તલ, 1/2 ચમચી મરી પાવડર, 1/2 ચમચી જીરું પાવડર, સ્વાદ અનુસાર ફરાળી મીઠું, ખાંડ, 1 લીંબુનો રસ, તળવા માટે તેલ
સૌપ્રથમ ૧ કપ સાબુદાણાને ક્રશ કરી લો, ૨ બટેટાને પણ ક્રશ કરીને પ્યુરી બનાવી દો. હવે બટેટાની પ્યુરીને સાબુદાણાના પાવડરમાં ઉમેરો.
પછી એ મિશ્રણમાં શેકેલા સિંગદાણાનો ભૂકો ઉમેરી કોથમીર, છીણેલું આદુ, લીલા મરચા, મીઠો લીમડો, સફેદ તલ, મરી પાવડર, શેકેલ જીરું પાવડર નાખો.
હવે એજ મિશ્રણમાં સ્વાદાનુસાર ફરાળી મીઠું, સહેજ ખાંડ, લીંબુનો રસ ઉમેરીને બધું મિક્ષ કરી, મિક્ષરને 5 મિનીટ માટે રેસ્ટ આપો.
હવે ગરમ તેલમાં ગોટા બનાવી ગોલ્ડન બ્રાઉન અને ક્રિસ્પી થાય ત્યાં સુધી તળી, લીલી ચટણી કે ટમેટો કેચઅપ સાથે સર્વ કરો.