3/4 કપ દહીં, 2 ચમચી ગશિંગોડાનો લોટ, 1/2 ચમચી મરચું પાવડર,1/4 ચમચી તજ પાઉડર, જરૂર મુજબ સિંધવ મીઠું, ખાંડ, 2 ગ્લાસ પાણી, ૨ ચમચી કોથમીર, 2 ચમચી ઘી, 1/2 ચમચી જીરું, 1 સૂકું લાલ મરચું, 5 મીઠા લીમડાના પાન
સૌ પ્રથમ એક બાઉલ લો અને તેમાં દહીં, પાણી, શિંગોડાનો લોટ, તજ પાવડર, સિંધવ મીઠું અને લાલ મરચું પાવડર ઉમેરો.
બધી સામગ્રી મિક્સ કરો. પાણી ઉમેરો અને ફરીથી મિક્સ કરો જેથી મિશ્રણમાં કોઈ ગઠ્ઠો ન રહે. આ આખું મિશ્રણ એક તપેલીમાં રેડો અને ધીમા તાપે મિશ્રણને ઉકાળવાનું શરૂ કરો. વારંવાર હલતા રહો.
વઘાર માટે ફ્રાઈંગ પેનમાં ઘી ગરમ કરો. ઘી ગરમ થયા પછી તેમાં જીરું ઉમેરો. જ્યારે જીરું તતડવા લાગે, ત્યારે તેમાં સૂકા લાલ મરચાં અને મીઠા લીમડાના પાન ઉમેરો. સારી રીતે હલાવો અને એક મિનિટ માટે શેકો.
તરત જ આ મસાલાને ઉકળતા દહીંના મિશ્રણમાં રેડો અને સારી રીતે મિક્સ કરો. મિશ્રણને 5-6 મિનિટ સુધી અથવા કઢી ઘટ્ટ થાય ત્યાં સુધી ઉકાળો. સમારેલી કોથમીરથી સજાવીને ગરમાગરમ પીરસો.