Aug 05, 2025
શ્રાવણ મહિનામાં ઘણા લોકો ઉપવાસ કરતા હોય છે. આ દરમિયાન ફરાળમાં એકને એક વસ્તુ ખાઇને કંટાળી જાય છે.
તો તમે આ દરમિયાન ફરાળી ટેસ્ટી પીઝા બનાવી શકો છો. અહીં ફરાળી પીઝા બનાવવાની રેસીપી જણાવી રહ્યા છીએ.
રાજગરાનો લોટ, મોરૈયાનો લોટ, સાબુદાણાનો લોટ સિંધવ મીઠું, પાણી, તેલ, કેપ્સિકમ, ટોમેટો સોસ, ચીઝ, પનીર, ચીલી ફ્લેક્સ.
ફરાળી પીઝા બનાવવા માટે એક કથરોટમાં રાજગરાનો લોટ, મોરૈયાનો લોટ અને સાબુદાણાનો લોટ લો. તેમાં સિંધવ મીઠું અને તેલનું મોયણ રેડો.
જેમ આપણે ભાખરીનો લોટ બાંધીએ તેમ કઢણ લોટ બાંધી લો. લોટને થોડીવારમાં ઢાંકીને મુકી દો.
થોડીવાર પછી લોટમાંથી ફરાળી ભાખરી બનાવો. ભાખરી એકદમ જાડી બનાવવી જે પીઝાના રોટલા જેવી કઠણ થાય. ભાખરીને સારી રીતે બન્ને તરફ શેકી લો.
હવે આ ફરાળી ભાખરી પર પીઝાનો સોસ લગાવો. તેના ઉપર પનીરના ટુકડા, સમારેલા કેપ્સિકમ મુકી દો. ત્યારબાદ તેની ઉપર ચીઝ છીણીને નાખો.
હવે આ ફરાળી ભાખરીને ધીમા ગેસ પર તવા પર મુકો અને ઉપરથી ઢાંકણું ઢાંકી દો. ચીઝ નરમ થવા લાગે એટલે તેને તવા પરથી લઇ લો.
આ રીતે તમારા સ્વાદીષ્ટ ફરાળી પીઝા તૈયાર થઇ જશે. તેને એક પ્લેટમાં લઇ લો. તેના ઉપર ચીલી ફ્લેક્સ મસાલો નાખો અને ટુકડા કરી સર્વ કરો.