1 કપ શિંગોડાનો લોટ, 1/2 સાબુદાણાનો પાઉડર, 1 કપ મોરૈયાનો લોટ, 1 કપ રાજગરાનો લોટ, 2-3 બાફેલા બટાકા, આખું જીરું, મોણ માટે તેલ અને ફરાળી મીઠુંસ્વાદ અનુસાર, 1 ચમચી તલ
કોથમીર, 2 ચમચી નાળિયેરનું છીણ, 1 વાટકી સીંગદાણા, 2 સમારેલ લીલા મરચા, 1 ચમચી આંખુ જીરું, સ્વાદ અનુસાર ફરાળી મીઠું, 1 લીંબુનો રસ અને જરૂર મુજબ પાણી
બટાકાની વેફર, ફરાળી ચેવડો, રેડ ચીલી ફ્લેક્સ, મસાલા મગફળી અને ચીઝ
સૌ પ્રથમ એક મોટા પેનમાં શિંગોડાનો લોટ, સાબુદાણાનો પાઉડર,મોરૈયાનો લોટ,રાજગરાનો લોટ, બાફેલા બટાકા, આખું જીરું, તલ નાખો, જરૂર મુજબ પાણી આખી લોટ બાંધો.
લોટ બાંધી રમા મોણ માટે સહેજ તેલ અથવા ઘી નાખો. લોટને 30 મિનિટ માટે રેસ્ટ આપો.
મિક્ષર ગ્રાઈન્ડરમાં કોથમીર, નાળિયેરનું છીણ, સીંગદાણા, સમારેલ લીલા મરચા, આંખુ જીરું, સ્વાદ અનુસાર ફરાળી મીઠું, લીંબુનો રસ અને જરૂર મુજબ પાણી નાખી ગ્રાઈન્ડ કરીને ચટણી તૈયાર કરો.
હવે લોટમાંથી સહેજ જાડી પીઝાઈ રોટલી વણો, પેન ગરમ કરો એમાં સહેજ તેલ નાખી બન્ને સાઈડ પીઝા રોટલી ક્રિસ્પી અને ગોલ્ડન બ્રાઉન થવા દો.
તૈયાર કરેલ ચટણી લગાવો, એના પર વેફર અને ફરાળી ચેવડોનું ટોપિંગ કરો તૈયાર બાદ રેડ ચીલી ફ્લેક્સ, મસાલા મગફળી અને ચીઝ પાથરો. 1 મિનિટ માટે કુક કરો અને ગરમ ગરમ ફરાળી પીઝા સર્વ કરો.