હિન્દુ ધર્મમાં તહેવારોની સિઝન શરુ થઇ રહી છે. જેમાં ઘણા લોકો ઉપવાસ કરે છે.
ઉપવાસમાં ફરાળી આહાર ખાવામાં આવે છે. તમે આ દરમિયાન સાબુ લાડુ રેસીપી બનાવી શકો છો.
સાબુદાણા, નાળિયેરનું ખમણ, દળેલી ખાંડ, ઘી, કાજુ અથવા બદામના બારીક ટુકડા, એલાયચી પાવડર, જાયફળ પાવડર.
સાબુદાણાને કડાઈમાં ગેસની ધીમી આંચે હલકા ગુલાબી રંગના થાય ત્યાં સુધી શેકી લો. આ પછી સાબુદાણાને ઠંડા કરવા મુકો.
એક કડાઇમાં નાળિયેરનું ખમણ 2-3 મિનિટ સુધી શેકીને બીજા વાસણમાં કાઢી લો.
સાબુદાણા ઠંડા થાય એટલે મિક્સરમાં તેનો બારીક પાવડર કરી લો. આ પાવડર એક બાઉલમાં કાઢી લો. તેમાં નાળિયેરનું ખમણ, એલચી, જાયફળનો પાવડર પણ મિક્સ કરી લો.
એક કડાઇમાં ઘી ગરમ કરવા મુકો. ઘી ગરમ થાય એટલે તેમાં કાજુ, બદામના ટુકડા સોનેરી રંગના થાય ત્યાં સુધી તળી લો.
આ પછી ઘી તેમજ કાજુને સાબુદાણાના મિશ્રણમાં નાખી દો. ઘી થોડું ઠંડું થાય એટલે તેને એકસરખું મિક્સ કરીને લાડુ વાળી લો. આ રીતે સાબુદાણાના લાડુ તૈયાર થઇ જશે.
આ લાડુ એરટાઈટ જારમાં ભરી લો. તમે તેને એક અઠવાડિયા સુધી રાખી શકો છો.