500 ગ્રામ સુરણ, 2 ચમચી તેલ, 1 નાની ચમચી રાઈ, 1 નાની ચમચી જીરું, ચપટી હિંગ, 1/2 ઇંચ આદુનો ટુકડો, 2-3 લીલા મરચાં, 2 ડુંગળી (ઝીણી સમારેલી)
1 ટામેટું (ઝીણું સમારેલું), 1/2 નાની ચમચી હળદર પાવડર, 1 નાની ચમચી લાલ મરચું પાવડર, 1 ચમચી ધાણા-જીરું પાવડર, 1/2 નાની ચમચી ગરમ મસાલો, 1 નાની ચમચી આમચૂર પાવડર, મીઠું સ્વાદ અનુસાર, 1/2 કપ પાણી, તાજા કોથમીર
સૌ પ્રથમ સુરણને સારી રીતે ધોઈને છાલ ઉતારો, તેના ટુકડા કરો. સુરણ કાપતી વખતે હાથમાં તેલ લગાવી શકાય જેથી ખંજવાળ ન આવે.
એક કડાઈમાં પાણી ગરમ કરો તેમાં સુરણના ટુકડા અને ચપટી હળદર ઉમેરી, 5 મિનિટ માટે ઉકાળી લો. આમ કરવાથી સુરણની થોડું નરમ પણ પડશે.
કડાઈમાં તેલ ગરમ કરો, એમાં રાઈ અને જીરું ઉમેરો. રાઈ તતડે અને જીરું શેકાય એટલે તેમાં હિંગ ઉમેરો, એમાં ઝીણું સમારેલું આદુ અને લીલા મરચાં ઉમેરી, એક મિનિટ સાંતળો.
ઝીણી સમારેલી ડુંગળી ઉમેરી, તે શેકાય એટલે ટામેટું ઉમેરો, હવે તેમાં હળદર પાવડર, લાલ મરચું પાવડર, ધાણા-જીરું પાવડર અને મીઠું ઉમેરી બધું મિક્સ કરો.
મસાલાને ધીમા તાપે એક મિનિટ શેકો જેથી તે સચવાઈ જાય, એમાં બાફેલા સુરણના ટુકડા ઉમેરી, મિક્ષ કરો જેથી મસાલો સુરણ પર બરાબર ચોંટી જાય.
હવે તેમાં થોડું પાણી ઉમેરો, બરાબર મિક્સ કરો અને કડાઈને ઢાંકીને ધીમા તાપે 10 મિનિટ સુધી કુક કરો, શાક તૈયાર થાય તેમાં ગરમ મસાલો ઉમેરી ગરમ ગરમ સર્વ કરો.