2 કપ તુવેર દાળ, સ્વાદ અનુસાર મીઠું, 6-7 સીંગદાણા, 1 ચમચી રાઈ, 1/2 ચમચી જીરું, 1 ચમચી હિંગ, 2 સમારેલ ટામેટા, 2 સૂકા લાલ મરચા, 2-3 લીલા મરચા, 1 ચમચી હળદર પાઉડર, 1/2 લાલ મરચું પાઉડર, 4-5 લવિંગ, 1/2 ગરમ મસાલા, 3-4 ગોળના ટુકડા, 2 ચમચી આંબલીનું પાણી, ચપટી મેથી દાણા, 7-8 મીઠા લીમડાના પાન, કોથમીર ગાર્નિશિંગ માટે
સૌ પ્રથમ તુવેર દાળને 5-6 સીટી થાય ત્યાં સુધી પ્રેશર કુકરમાં બાફી લો. તમે દાળ બાફવામાં મીઠું, હળદર, સીંગદાણા ઉમેરવા હોય તો ઉમેરી શકો છો.
હવે દાળના વઘાર માટે સૌ પ્રથમ કડાઈમાં 2 ચમચી તેલ ગરમ કરો, તેમાં 1 ચમચી રાઈ નાખો, રાઈ તતડે એટલે જીરું, લવિંગ, સીંગદાણા અને હિંગ નાખો.
ત્યારબાદ વઘારમાં મીઠા લીમડાના પાન, ચપટી મેથી દાણા,સૂકા લાલ મરચા, 2-3 લીલા મરચા નાખી મિક્ષ કરો. હવે તેમાં બેઝિક મસાલા જેમ કે, હળદર પાઉડર, લાલ મરચું પાઉડર, ગરમ મસાલા નાખી પ્રોપર મિક્સ કરો.
હવે ટામેટા ઉમેરો અને જરૂર મુજબ મીઠું ઉમેરી થોડી વાર માટે ટામેટા કુક થઇ ત્યાં સુધી રાખો. ટમાટર કુક થાય એટલે એમાં બાફેલી દાળ નાખી હલાવો અને જરૂર મુજબ પાણી ઉમેરો હવે થોડી વાર માટે 5-10 મિનિટ માટે ઉકાળો.
હવે દાળમાં થોડો ગોળ અને આંબલીનું પાણી નાખો, 1 મિનિટ માટે ફરી ઉકાળો અને કોથમીરથી ગાર્નિશ કરી ગુજરાતી દાળ ભાત સાથે સર્વ કરો.