સામાન્ય રીતે દરેક ઘરોમાં ગાજરમાંથી કે દૂધીમાંથી હલવો બનતો હોય છે. પરંતુ કાચા પપૈયામાંથી પણ સ્વાદિષ્ટ હલવો બને છે.
હળવો મીઠો, નરમ અને એલચી અને ઘીથી સ્વાદવાળો આ હલવો બનાવવો એકદમ સરળ છે.
આ હલવાને ઉપવાસના દિવસોમાં પણ ખાઈ શકાય છે. શરીરમાં તાકાત મેળવી શકો છો. તો નોંધીલો સરળ રેસીપી
કાચા પપૈયા - 2 કપ (છીણેલું), ઘી - 2 થી 3 ચમચી, દૂધ - 1 કપ, ખાંડ અથવા ગોળ - ½ કપ (સ્વાદ પ્રમાણે સમારો)
એલચી પાવડર - ¼ ચમચી, કાજુ, બદામ, કિસમિસ) - 2 ચમચી, કેસર (વૈકલ્પિક) - ગરમ દૂધ
સૌથી પહેલા બે કાચા પપૈયાને ધોણીને તેને છોલીને બીજ કાઢીને એકદમ પાતળું છીણી લો.
એક કઢાઈમાં ઘી ગરમ કરો, છીણેલું પપૈયા ઉમેરો અને મધ્યમ તાપ પર 6-8 મિનિટ સુધી કાચી ગંધ દૂર થાય ત્યાં સુધી શેકો.
કઢાઈમાં દૂધ ઉમેરો અને સારી રીતે મિક્સ કરો. પપૈયા નરમ થઈ જાય અને દૂધ શોષી લે ત્યાં સુધી તેને ઉકળવા દો.
પપૈયાની છીણ સારી રીતે ચડી જાય ત્યારે ખાંડ અથવા ગોળ ઉમેરો. ધીમા તાપે વચ્ચે વચ્ચે હલાવતા રહો, મિશ્રણ ઘટ્ટ થાય ત્યાં સુધી પકાવો. કલર માટે ફુડ કલરનો ઉપયોગ કરી શકો.
ત્યાર બાદ તેમાં ઈલાયચી પાવડર, કેસરનું દૂધ (જો વાપરી રહ્યા હોવ તો) અને સમારેલા સૂકા ફળો ઉમેરો. હલવો તવાની બાજુઓથી છૂટો પડવા લાગે ત્યાં સુધી પકાવો.
આમ તૈયાર થઈ જશ તમારો પપૈયાનો હલવો, જેને ગરમાગરમ પીરસો, જો ઈચ્છો તો વધુ બદામથી ગાર્નિશ કરો. ઠંડુ થાય ત્યારે પણ તેનો સ્વાદ સારો રહે છે.