છુટી લાપસી બનતી નથી તો અપનાવો આ સિક્રેટ ટીપ્સ

ગુજરાતી પરિવારમાં સારો પ્રસંગ આવે ત્યારે લાપસી ચોક્કસ બને છે. નાના મોટા દરેક પ્રસંગોમાં લાપસી બને જ.

સરળ લાગતી લાપસી બનાવવી થોડી અઘરી છે કારણ કે લાપસી છૂટી બનવી જરૂરી છે.

ઘણી મહિલાઓ હશે જેમના હાથે છૂટી લાપસી બનતી નથી. તો છૂટી લાપસી બનાવવા માટે આ સિક્રેટ ટીપ્સ અપનાવો.

સામગ્રી

લાપસી માટેનો ઘઉંનો લોટ, ગોળ, ઘી, પાણી, બુરુ ખાંડ (લાપસી ઉપર ભભરાવવા માટે)

ગોળનું પાણી બનાવીએ

છુટી લાપસી બનાવવા માટે એક કૂકરમાં બે કપ જેટલું પાણી લઈને એક વાટકો ગોળ નાંખીને ઉકળવા દઈએ.

લાપસીના લોટ તૈયાર કરીએ

એક તાસમાં એક એક વાટકો લાપસીનો લોટ લઈને તેમાં એક ચમચી તેલ નાંખીને ટુવા આપીને લોટ તૈયાર કરો.

કૂકરમાં લોટ ઉમેરીએ

કૂકરમાં ગોળ વાળું પાણી ઉકળવા લાગે ત્યારે તેમાં લોટ ઉમેરીને વેલણ વડે ત્રણ ચાર કાણાં પાડીશું. અને ઢાંકણું બંધ કરીને ત્રણ સીટી વગાડીશું.

લોટને સારી રીતે મીક્સ કરીશું

કુકરની ત્રણ સીટી વાગી જાય ત્યારે વેલણ વડે લોટને સારી રીતે હલાવી મીક્સ કરીશું. અને થોડી ઠંડી થવા દઈશું.

ઘીમાં લોટ શેકીશું

હવે એક કઢાણીમાં બે ચમચી ઘી લઈને તેમાં બફાયેલો લોટ સારી રીતે 7-8 મિનિટ શેકીશું. જેથી આ લાપસી એકદમ છૂટી પડી જશે.

લાપસી તૈયાર

આમ તમારી છુટી લાપસી તૈયાર થઈ જશે. તમે ઉપરથી ડ્રાય ફ્રૂટ્સથી ગાર્નિસ કરીને સર્વ કરી શકો છો.