May 02, 2025
દાળ ભાત ગુજરાતી લોકોની પ્રિય વાનગી છે. મોટાભાગના ગુજરાતીઓના ઘરે દરરોજ કે અઠવાડિયામાં 2 થી 3 વખત દાળ ભાત બને છે. ગુજરાતી ખાટી મીઠી દાળ બહુ જ સ્વાદિષ્ટ હોય છે.
તુવેરની દાળ, તેલ, રાઈ, જીરું, સીંગદાણા, ટામેટા, હિંગ, લાલ મરચું પાઉડર, હળદર પાઉડર, મીઠો લીમડો, લીલા મરચા, મેથી દાણા, સુકા લાલ મરચા, ગોળ, લવિંગ, લીંબનો રસ
તુવેરની દાળ 30 મિનિટ સુધી પાણીમાં પલાળો, ત્યાર બાદ પ્રેશર કુકરમાં પાણી સાથે દાળ અને સીંગદાણા નાંખી 4 થી 5 સીટી વાગે ત્યાં સુધી બાફો.
દાળ બફાઇ ગયા બાદ બ્લેન્ડર વડે દાળને બ્લેન્ડ કરી લો. દાળ સંપૂર્ણપણે બ્લેન્ડ થઇ જાય તેનું ધ્યાન રાખો.
ગેસ ચાલુ કરી એક કડાઇમાં તેલ ગરમ કરો, તેમા રાઇ, જીરું, હિંગ, મીઠા લીમડાના પાન, સુકા લીલા મરચા, મેથી દાણા અને લવિંગનો તડકો લગાવો.
ત્યાર પછી ઝીણા સમારેલ ટામેટા, લીલા મરચા, લાલ મરચા - હળદર અને - ધાણા જીરું પાઉડર, ગોળ અને સ્વાદ અનુસાર મીઠું નાંખી સાંતળી લો.
પછી કડાઇમાં બાફેલી દાળ ઉમેરો, દાળને 5 થી 10 મિનિટ સુધી મીડિયમ આંચ પર ઉકાળો.
છેલ્લે ગરમા ગરમ દાળમાં લીંબનો રસ અને ઝીણું સમારેલું કાથમીર ઉમેરો.
ખાટી મીઠી ગુજરાતી દાળ તૈયાર છે. ગુજરાતી દાળ ભાત સાથે ખાવામાં આવે છે.