મેથીના થેપલા રેસીપી, આવી રીતે બનાવો એકદમ ટેસ્ટી અને પોચા

મેથીના થેપલા એક પરંપરાગત ગુજરાતી વાનગી છે. ગુજરાતી હોય એને મેથીના થેપલા ના ખાધા હોય તેવું બને જ નહીં.

મેથીના થેપલા ઘણા દિવસો સુધી ખાઇ શકો છો. જેથી તેને પ્રવાસ દરમિયાન પણ સાથે લઇ જવાય છે.

એકદમ પોચા અને ટેસ્ટી મેથીના થેપલા બનાવવાની રેસીપી અહીં જણાવી રહ્યા છીએ.

મેથીના થેપલા સામગ્રી

લીલી મેથી, ઘઉં નો લોટ, ધાણા પાઉડર, મીઠું, હળદર, ધાણાજીરૂ, અજમો, તલ, પાણી, તેલ.

મેથીના થેપલા બનાવવાની રીત

સૌથી પહેલાં લીલી મેથીને પાણીથી ધોઈ લો અને કોરી કરીને બારીક રીતે સમારી લો.

એક બાઉલમાં ઘઉંનો લોટ લો. તેમાં સમારેલી મેથી, અજમો, મીઠુ, હળદર અને ધાણા પાવડર મિક્સ કરો. કોથમીર અને આદુની પેસ્ટ પણ ઉમેરી શકો છો.

આ પછી તેલ અને પાણી ઉમેરી લોટ બાંધો. તેને 10-5 મિનિટ રહેવા દો. આ પછી લોટમાંથી લુવા બનાવો અને રોટલીની જેમ વણી લો.

એક નોન સ્ટીક પેનમાં તેલ લગાવી ગરમ કરો. તેમા થેપલાને બન્ને બાજુએ શેકી લો.

આ રીતે તમારા મેથીના થેપલા તૈયાર થઇ જશે. તેને તમે ચા, દહીં, શાક, સોસ સાથે થાઇ શકો છો.