મેકઅપ કર્યા બાદ આ સ્કિન કેર ટિપ્સ દ્વારા કરો રીમુવ

દરેક વ્યક્તિને ગ્રૂમિંગ અને મેક-અપ પસંદ હોય છે, પરંતુ શું તમે જાણો છો કે મેક-અપ ઉતાર્યા પછી જો તમે યોગ્ય સ્કિન કેર ન કરો તો તમારી ત્વચાને નુકસાન થઈ શકે છે. મેકઅપ તમારી સુંદરતામાં વધારો કરે છે, પરંતુ જો તેને યોગ્ય રીતે દૂર કરવામાં ન આવે તો તે ત્વચા માટે નુકસાનકારક સાબિત થઈ શકે છે.

આખો દિવસ મેક-અપ કરવાથી સ્કિનના છિદ્રો બંધ થઈ જાય છે અને પિમ્પલ્સ, ડાર્ક સ્પોટ્સ અને સ્કિન ડ્રાયનેસ જેવી સમસ્યાઓ સર્જાય છે. તેથી, મેકઅપ દૂર કર્યા પછી, ત્વચાની યોગ્ય કાળજી લેવી ખૂબ જ મહત્વપૂર્ણ છે. આ ટિપ્સ તમને મદદરૂપ સાબિત થશે.

મેકઅપ રીમુવરનો ઉપયોગ

મેકઅપ દૂર કરવા માટે, ક્લીન્ઝિંગ ઓઈલ, ક્લીન્ઝિંગ બામ અથવા માઈસેલર વોટરનો ઉપયોગ કરો. તેને કોટનની મદદથી ચહેરા પર હળવા હાથે લગાવો અને મેકઅપ દૂર કરો.

ટોનરનો ઉપયોગ

ટોનર ત્વચાના છિદ્રોને કડક બનાવે છે અને સ્કિનને તાજગી અનુભવે છે. સ્કિનમાં ભેજ પણ જાળવી રાખે છે. જો તમારી ત્વચા શુષ્ક રહે છે તો તમારા માટે ટોનર વધુ સારું રહેશે.

ફેસવોશનો ઉપયોગ

મેકઅપ દૂર કર્યા પછી, તમારી ત્વચા અનુસાર ફેસવોશ લો અને બાકીનો મેકઅપ દૂર કરવા માટે ચહેરાને સારી રીતે સાફ કરો.

સીરમ લગાવો

તમે સ્કિનની ચિંતા અનુસાર સીરમ લગાવો. આ તમારી સ્કિનની સમસ્યાઓને દૂર કરવામાં મદદ કરશે અને તમારા ચહેરા પર એક અલગ જ ચમક લાવશે.

મોઇશ્ચરાઇઝર લગાવો

છેલ્લે, મોઇશ્ચરાઇઝર લગાવો, તે તમારી સ્કિનને હાઇડ્રેટેડ રાખે છે અને ત્વચાની શુષ્કતા દૂર કરીને ચહેરાને નવી તાજગી આપે છે.

થોડી વસ્તુઓ ધ્યાનમાં રાખો

ધ્યાન રાખો કે તમારે ક્યારેય મેકઅપ કરીને સૂવું ન જોઈએ. તે સ્કિનની સમસ્યાઓને વધારે છે. યોગ્ય માત્રામાં પાણી પીવો, પૌષ્ટિક ખોરાક લો અને નિયમિત કસરત કરો.