કેરીની સિઝન ચાલતી હોય ત્યારે લોકો કેરીની અલગ અલગ વાનગીઓ બનાવતા હોય છે
લોકોમાં કેરીનો રસ સિઝનનો સુપર ફેવરીટ છે. પરંતુ શું કેરીના રસના ચીલ્લા તમે ખાધા છે?
કેરીના રસ ચીલ્લા બનાવવા એકદમ સરળ છે અને એકદમ ઓછી વસ્તુમાંથી બની જતા હોય છે. તો નોંધીલો રેસીપી
પાકી કેરીનો પલ્પ, બેશન, હળદર, મીઠું, હીંગ, ખાવાના સોડા, તેલ, પાણી, મરચું પાઉડર (જો સહેજ તીખા બનાવવા હોય તો)
કેરીના રસના ચીલ્લા બનાવવા માટે બેટર તૈયાર કરીશું. આ બેટર માટે એક તપેલીમાં પાકી કેરીનો પલ્પ લો તેમાજ બેશન ઉમેરો.
ત્યારબાદ તેમાં સ્વાદ પ્રમાણે મીઠું, હીંગ, હળદર નાંખીને સારી રીતે મીક્સ કરો. ધીમે ધીમે પાણી ઉમેરી બહુ પતલું નહીં અને બહુ ઘટ નહીં એવું બેટર તૈયાર કરીશું.
બેટરને 10 મીનિટ રેસ્ટ થઈ જાય ત્યારે ચપટી ખાવાના સોડા અને એક ચમચી તેલ ઉમેરી મીક્સ કરવું.
એક પેનને મીડિયમ હાઇ ફ્લેમ પર ગરમ થયા બાદ તેમાં ચમચા વડે બેટર રેડીને સહેજ જાડા ચીલ્લા બનાવો.
ઉપરથી ચમચીથી તેલ નાંખીને સેકાવા દો. નીચે સેકાઈ જાય ત્યારે પલટીને બીજી બાજુ શેકાવા દો. આમ તૈયાર થઈ જશે કેરીના રસના ચીલ્લા.