Jul 04, 2025
ચોમાસું શરુ થતાં જ માર્કેટમાં પુષ્કળ પ્રમાણમાં જાંબુ મળવા લાગ્યા છે. ત્યારે અત્યારે જાંબુ શોટ્સનું ચલણ ટ્રેન્ડમાં છે.
જો તમે જાંબુ શોટ્સ બનાવીને કંટાળ્યા છો અને કંઈક નવું ટ્રાય કરવાનું વિચારો છો તો આ ડ્રિંક્સ તમારા માટે પરફેક્ટ છે.
જાંબુમાંથી બનતું આ ડ્રિંક્સ પીને મહેમાનો પણ તમારા વખાણ ચોક્કસ કરશે. તો ફટાફટ નોંધી લો રેસીપી.
જાંબુ, ફુદીના, આદુનો ટુકડો, સાકર, સોડા, સંચળ, લીંબુંનો રસ, ચાટ મસાલો, મરી પાઉડર
સૌથી પહેલા જાંબુને સારી રીતે ધોઈને ચપ્પા વડે તેમાંથી પલ્પ અને ઠળિયા અલગ કાઢીને રાખો.
જાંબુ મોજીતો બનાવવા માટે એક મીક્સર જારમાં તાજા ફૂદીનાના પાન લો, આદુનો ટુકડો નાખો,જાંબુ પલ્પ મિક્સરમાં નાંખો અને એકદમ ક્રસ કરી દો.
આ મીક્સરને ગરણીવડે એક વાસણમાં ગાળી લો, સંચળ, ચાટ મસાલો નાંખો, મરી પાઉડર જો નાંખવો હોય તો ઓપ્શનલ છે.
ત્યાર બાદ અડધુ લીંબુનો રસ તેમજ 25 મીલી સોડા ઉમેરો, થોડા જાંબુના પલ્પના ટૂકડા પણ ઉમેરો.
આ મીક્સરને ચમચી વડે સારી રીતે મીક્સ કરો અને તેમાં આઈસ ક્યૂબ ઉમેરો. કાચ ગ્લાસમાં ડેકોરેટ કરીને આ મીશ્રણ નાંખો અને ફૂદીના પાનથી ગાર્નિસ કરો અને મજા માણો.