ઉનાળો શરુ થયો છે અને આકરો તાપ પણ પડવા લાગ્યો છે. આવી સ્થિતિમાં લીંબુ પાણી કે શિકંજી પીવું સ્વાસ્થ્ય માટે સારું છે.
ઘરમાં ગમે ત્યારે લીંબુ શરબત કે શિકંજી બનાવવી હોય તો થોડું કંટાળા જનક લાગે. જોકે, હવે આ કંટાળામાંથી મૂક્તિ મળશે.
કારણે અહીં લીંબુ શરબત માટે એક એવો પાઉડર બનાવવાની રેસીપી જાણિશું. જેનાથી ઈન્સ્ટન્ટ લીંબુ શરબત અને શિકંજી બની જશે.
આ પાઉડર બનાવવાની રીત સરળ છે પરંતુ પ્રોસેસ લાંબી છે. જોકે, આ પાઉડર એકવાર બની જશે તો આખું વર્ષ સ્ટોર કરી શકાશે.
જેટલો પાઉડર બનાવવો હોય એટલા લીંબુ, અને લીંબુના રસ કરતા વધારે ખાંડ લેવી
લેમન જ્યુસ પાઉડર બનાવવા માટે સૌથી પહેલા લીંબુ લઈને ધોઈ લો અને તેને બે ભાગમાં કાપીને તેમાંથી રસ કાઢી લો.
તપેલીમાં જેટલો લીંબુનો રસ એકઠો થયો છે. તેનાથી ડબલ પ્રમાણમાં ખાંડ ઉમેરો અને સારી રીતે મીક્ષ કરી દો.
આ મીશ્રણને થાળીઓમાં થોડા પ્રમાણમાં નાખીને પંખાની હવામામાં સુકવવા મુકી દો. જેટલી વધારે થાળીમાં મીશ્રણ સુકવવા મુકશો તો ઝડપથી ડ્રાય થશે.
બે ચાર દિવસ બાદ ચેક કરતા રહેવું અને જામેલા મીશ્રણને ઉખાડી ફરી સુકવવા મૂકવું. જ્યાં સુધી મીશ્રણમાંથી પાણી સુકાઈ ન જાય ત્યાં સુધી પંખાની હવા આપતા રહેવું.
અહીં ખાસ ધ્યાન રાખવું કે આ મીશ્રણને તડકામાં સુકવવાનું નથી. મીશ્રણને ઘરમાં પંખાની હવા જ આપવાની છે.
એકવાર મીશ્રણ સાવ સુકાઈ જાય ત્યારે તેને એકત્ર કરીને મીક્ષર જારમાં નાંખીને ક્રસ કરી એકદમ ફાઈન પાઉડર બનાવી દેવો.
આમ તૈયાર થઈ જશે તમારો ઈન્સ્ટન્ટ લીંબ શરબત કે શિકંજીનો પાઉડર, આ પાઉડરને એર ટાઈટ કન્ટેનરમાં એક વર્ષ સુધી સ્ટોર કરી શકાય છે.