ઉનાળો શરુ થયો છે ત્યારે માર્કેટમાં કેરીઓ પણ દેખાવા લાગી છે. સાથે જ નાળિયેર પાણી ઉનાળામાં ખૂબ પીવાય છે.
ઉનાળામાં ગરમીથી બચવા માટે કેરી અને નાળિયેર ખૂબ જ લાભદાયી છે. કેરી અને નાળિયેરને લોકો વિવિધ રીતે ખાય છે.
કેરી નાળિયેરની ચટણીમાં કેરીનો ટ્વિસ્ટ હોય છે જે તેને તીખો સ્વાદ આપે છે. આ સ્વાદિષ્ટ ચટણીને ભાત સાથે ખાવાથી સ્વાદ બમણો થઈ જાય છે.
1/2 કપ કેરી (કાચી) નાના ટુકડા, 1 કપ છીણેલું નારિયેળ
4 સ્મોક કરેલા લાલ મરચાં (સીધી જ્યોત પર શેકેલા), 1 ટીસ્પૂન જીરું, સ્વાદ અનુસાર મીઠું, નારિયેળ તેલ
તેલ સિવાયની બધી સામગ્રીને બરછટ પીસી લો.
કેરીને પીસતી વખતે તેને અંતે ઉમેરવું.ત્યાર બાદ નાળિયેર તેલ ઉમેરવું.
આમ એકદમ સરળ રીતે તૈયાર થઈ જશે તમારી કેરી નાળિયેર ચટણી જેને ભાત સાથે સાઇડ ડિશ તરીકે ઉપયોગ કરી શકાય છે.