ઉનાળો શરૂ થતાં જ માર્કેટમાં કેરી મળવાનું શરૂ થઈ જાય છે. ઉનાળામાં લોકો કેરી ખુબ પ્રીય હોય છે.
લોકો મોટા ભાગે કેરીના કટકા કરીને અથવા કેરીનો રસ કાઢીને ખાતા હોય છે.
જ્યારે કેરીમાંથી મઠો પણ બનાવી શકાય છે. ઉનાળામાં કેરી અને દહીં બંને વસ્તુ શરીર માટે ફાયદારૂપ હોય છે.
ત્યારે અહીં તમને માર્કેટ જેવો જ મઠો બનાવવા માટેની સીક્રેટ ટીપ્સ આપીશું, માત્ર ચાર વસ્તુમાંથી જ મેંગો મઠો બની જશે.
500 ગ્રામ દહીં, એક પાકી કેરી, 1/2 ચમચી ઇલાયચી પાઉડર, ખાંડ (સ્વાદ અનુસાર) અને કેસર
મેંગો મઠો બનાવવા માટે સૌથી પહેલા દહીંને એક સુતરાઉ કાપડમાં બાંધીને 5-7 કલાક લટકાવી દો. જેથ તેમાં રહેલું પાણી નીકળી જાય.
બીજી તરફ એક મીક્સર જારમાં જરૂર પ્રમાણેની ખાંડ, ઈલાયચી પાઉડરનાંખીને પાઉડર બનાવી દો.
દહીંમાંથી એકદમ પાણી નીકળી જાય ત્યારે તેને એક બાઉલમાં કાઢા અને ફીણી દો. તેમાં ખાંડનું મીશ્રણ નાંખો અને સારી રીતે મીશ્ર કરો
દહીં અને ખાંડના મીશ્રણને લંગ્સ ન રહી જાય એવી રીતે ફીણવાનું છે. ત્યાર બાદ કેરીના કટકા કરીને તેમાં કેસર નાંખીને પ્યુરી બનાવી દો.
દહીં અને કાંડના મીશ્રણમાં કેરીની પ્યુરી નાંખીને મીક્સ કરો. અને ઉપરથી કેરીના થોડા કટકા પણ ઉમેરીને ફ્રિઝમાં ઠંડો થવા મુકી દો.
આમ તૈયાર થઈ જશે તમારો ફ્રેશ ફ્રેશ મેંગો મઠો. એક બાઉલમાં કાઢીને સર્વ કરો અને ડ્રાયફ્રૂટ વડે ગાર્નિસ કરો.