ઉનાળામાં છાશ પીવી ખુબ જ લાભદાયી છે. છાશ ગરમીમાંથી રક્ષણ આપે છે.
જો તમે ઉનાળામાં સાદી છાશ પીને કંટાળી ગયા છો તો તમે છાશમાં આ મેજીક ક્યુબ નાંખીને છાશનો સ્વાદ વધારી શકો છો.
આ મેજીક ક્યુબ સાથેની છાશ પીવાથી ડાયજેસ્ટ સિસ્ટમ સારી રહેશે, ગરમીમાં રક્ષણ મળશે, તબિયત સારી રહેશે.
આ મેજીક ક્યુબ બનાવવું એકદમ સરળ છે અને મહિનાઓ સુધી સ્ટોર પણ કરી શકાય છે.
લીલા ધાણા, ફુદીના, લીલા મરચા,સંચળ, મીઠું, ધાણાજીરું, ચાટ મસાલા, મીઠા લીમડાના પાન, લીંબું, આદું
સૌથી પહેલા લીલા ધાણા અને ફુદીનાના પાન અલગ કરીને ધોઈ દો. અને એક મીક્સર જારમાં રાખો.
ત્યાર બાદ તેમાં બે ત્રણ લીલા મરચા, સંચળ, મીઠું, ધાણાજીરં, ચાટ મસાલા, ચાર પાંચ મીઠા લીમડાના પાન, આદુના ટુકડા અને પછી એક લીંબુ નીચોવી દો.
હવે મીક્સર ચલાવીને એકદમ ફાઈન પેસ્ટ બનાવી દો. આ મીશ્રણને એક આઈસ ક્યૂબ પ્લેટમાં કાઢો.
હવે ડીપ ફ્રીઝરમાં સેટ થવા માટે મુકી દો. અને જ્યારે ઈચ્છા થાય ત્યારે એક કપ છાસમાં એક ક્યુબ નાંખીને મસાલા છાશનો આનંદ લો.