Aug 16, 2025
હાલ રાજ્યમાં વરસાદ વરસી રહ્યો છે. વરસાદ વરસતો હોય ત્યારે મેથીના ગોટા ખાવાની અલગ મજા આવે છે.
બહારના લારીના ગોટા ઘણા ટેસ્ટી હોય છે. તમે ઘરે પણ આવા બનાવી શકો છો. અહીં તેની રેસીપી જણાવી રહ્યા છીએ.
ચણાનો લોટ, તેલ, અજમો, લીલી મેથી, લીલા મરચાં, સૂકા ધાણાનો ભૂકો, હળદર, મરી પાઉડર, મીઠું, સોડા, લીલા ધાણા.
મેથીના પાનને સારી રીતે ધોઈને બારીક રીતે કાપી લો. પછી એક મિક્સિંગ બાઉલમાં ચણાનો લોટ ઉમેરો. તેમાં જાડો કરકરો લોટ ઉમેરો.
તેમાં મીઠું, મરી પાઉડર, સુકા ધાણા, મેથીની ભાજી, મરી પાઉડર, હળદર, કોથમીર, લીલા મરચાં નાખી મિક્સ કરો. જરૂરિયાત પ્રમાણે પાણી નાખી અને ગોટાનું ખીરું તૈયાર કરો.
બેટરમાં એક ચમચી બેકિંગ સોડા ઉપર ગરમ તેલ નાખી બરાબર મિક્સ કરી લો.
આ પછી એક કડાઇમાં તેલ લો અને મધ્યમ ગેસની આંચ પર મેથીના ગોળાને તળી લો. ગોટા બંન્ને તરફ સોનેરી થાય ત્યારે તેને તેલમાંથી કાઢી લો.
ગોટાને કાગળ પર કાઢી લો. જેથી વધારાનું ઓઈલ દૂર થઈ જાય.
ત્યાર બાદ તમે કઢી, ચા, ડુંગળી કે લીલા મરચા સાથે સાથે ગરમા ગરમ મેથીના ગોટાને સર્વ કરી શકો છો.