મોહબ્બત કા શરબત ઉનાળામાં પીવાતું પ્રખ્યાત શરબત છે. ખાસ કરીને રમઝાન મહિનામાં મોહબ્બત કા શરબત પીવામાં આવે છે, તેનાથી શરીરને તુરંત એનર્જી મળે છે અને પેટમાં ઠંડક અનુભવાય છે.
ચિલ્ડ દૂધ, રોઝ સીપર, ગુલાબની પાંદડી, ઝીણા સમારેલા તરબૂચના ટુકડા, ટુકડા બરફ
મોહબ્બત કા શરબત બનાવવા માટે સૌથી પહેલા એક મોટા અને ઉંડા બાઉલમાં દૂધ લો.
દૂધમાં રોઝ સીરપ ઉમેરી હેન્ડ બ્લેન્ડર વડે સારી રીતે મિક્સ કરી લો. રોઝ સીરપ ન હોય તો ગુલાબના શરબતનો પણ ઉપયોગ કરી શકાય છે.
હવે તેમા તરબૂચના ઝીણા સમારેલા ટુકડા ઉમેરી બરાબર મિક્સ કરી લો. તરબૂચના બીયાં કાઢવાનું ભૂલશો નહીં.
છેલ્લે તેમા બરફના ટુકડા નાંખી મોહબ્બત કા શરબતને બરાબર હલાવી લો. જો તમારે બરફના ટુકડા ન નાંખવા હોય તો મોહબ્બત કા શરબત બનાવી ફ્રીજમાં 1 - 2 કલાક માટે ઠુંડી થવા મૂકી શકાય છે.
એક કાચના ગ્લાસમાં મોહબ્બત કા શરબત રેડો, તેના પર તરબૂચના ટુકડા અને ફ્રેશ ગુલાબની પાંદડી વડે ગાર્નિશ કરી સર્વ કરો.
તૈયાર છે ઉનાળાની ગરમીમાં ઠંડક આપતું મહોબ્બત કા શરબત