વરસાદી મોસમ જામી ચુકી છે. અને વરસતા વરસાદમાં લોકોને ગરમાગર ભજીયા કે ચટપટું ખાવાનું મન ચોક્કસ થાય.
વરસાદી માહોલમાં તમને પણ ચટપટું ખાવાનું મન થતું હોય તો ફટાફટ બની જતી મકાઈ ચાટ ટ્રાય કરો
મકાઈની ચટપટી ચાટ ફટાફટ બની જતી હોય છે ટેસ્ટની સાથે સ્વાસ્થ્ય માટે પણ લાભદાયી હોય છે.
મકાઈ ડોડા, કાંદા, ટામેટા, લીલા ધાણા, લીલા મરચા, ધાણાજીરુ પાઉડર, કાશ્મીરી મરચું પાઉડર, સંચળ, ચાટ મસાલો, લીંબુ, બટર.
મકાઈ ચાટ બનાવવા માટે સૌથી પહેલા એક કૂકરમાં મકાઈના ડોડા લઈને પાણી નાંખીને સારી રીતે બાફી લેવી.
મકાઈના ડોડા બફાઈ જાય ત્યારબાદ ડોડામાંથી મકાઈના દાણા અલગ કરીને એક બાઉલમાં લઈ લો.
બાઉલમાં મકાઈના દાણા કાઢ્યા બાદ તેમાં ઝીંણા કાપેલા કાંદા, ઝીંણા કાપેલા ટામેટા, ઝીંણા કાપેલા લીલા મરચા નાખો.
ત્યારબાદ ઉપરથી ધાણાજીરુ પાઉડર, કાશ્મીરી મરચું પાઉડર, સંચળ, ચાટ મસાલો નાખી ઉપરથી લિંબુ નીચેવો.
હવે ઝીંણા કાપેલા લીલા ધાણા નાંખીનો અને બટરનો નાનો ટુકડો નાંખીને સારી રીતે મીક્સ કરો. આમ તૈયાર થઈ જશે તમારી મકાઈની ચટપટી ચાટ.