ચોમાસાની સિઝન હવે શરુ થઇ રહી છે. આ દરમિયાન હેલ્ધી ખોરાક ખાવો જોઈએ.
અહીં હેલ્ધી ખીચડીની રેસીપી જણાવી રહ્યા છીએ. જે તમે સરળતાથી ઘરે બનાવી શકશો.
ચોખા, તુવેરની દાળ, મગની ફોતરાં વાળી દાળ, લીલા ચણા, ઘી, લવિંગ, લીલી ઈલાયચી, તજ, તમાલપત્ર, જીરું, મીઠો લીમડો, વાટેલું આદુ, લીલા મરચાંની પેસ્ટ, હિંગ, છીણેલું તાજુ નારિયેળ, બટાકા, હળદર પાવડર, લાલ મરચું પાવડર, ધાણા-જીરું પાઉડર, મીઠું, નાના રીંગણા, દૂધી, ગાજર, ટામેટાં, કોથમીર.
એક મોટા બાઉલમાં ચોખા, તુવેરની દાળ, મગની ફોતરાં વાળી દાળને એકસાથે મિક્સ કરો. પ્રેશર કૂકરમાં ઘી ગરમ કરો. લવિંગ, લીલી ઈલાયચી, તજ અને તમાલપત્ર ઉમેરો અને સુગંધિત થાય ત્યાં સુધી સાંતળો.
આ પછી જીરું ઉમેરો અને તેને રંગ બદલવા દો. તેમાં મીઠા લીમડો, વાટેલું આદુ, લીલા મરચાં અને કાચી મગફળી નાખીને 2-3 મિનિટ સાંતળો. હીંગ અને નાળિયેર નાખીને બરાબર મિક્સ કરી લો.
ત્યારબાદ બટેટા ઉમેરીને 1-2 મિનિટ સાંતળો. તેમાં હળદર પાવડર, લાલ મરચું પાવડર, ધાણા પાવડર, જીરું પાવડર અને મીઠું ઉમેરીને બરાબર મિક્સ કરી લો. 1-2 મિનિટ માટે રાંધો.
આ પછી રીંગણ, દૂધી, ગાજર, લીલા વટાણા અને ટામેટાં ઉમેરો અને મિક્સ કરો. 2-3 મિનિટ પકાવો.
હવે ચોખા અને દાળનું મિશ્રણ ઉમેરો અને સારી રીતે મિક્સ કરો. તેમાં જરૂરિયાત પ્રમામે પાણી ઉમેરો, સ્વાદ પ્રમાણે મીઠું ઉમેરો અને બરાબર મિક્સ કરો.
જ્યાં સુધી મિશ્રણ ઉકળે ત્યાં સુધી ધીમા તાપે પકાવો. કૂકરને ઢાંકી દો અને 3-4 સીટીઓ વાગે ત્યાં સુધી રાંધો. પ્રેશર એકદમ ઓછુ થઈ જાય એટલે કૂકર ખોલો. કોથમીર ઉમેરો અને મિક્સ કરો.
ખીચડીને સર્વિંગ બાઉલમાં લો. ઘી નાખો, નાળિયેર અને કોથમીરથી ગાર્નિશ કરો. કઢી, છાશ, અથાણું અને શેકેલા પાપડ સાથે ગરમાગરમ સર્વ કરો.