ઉનાળો શરૂ થયો છે અને ગરમી પડવાની પણ શરૂ થઈ ગઈ છે. ગરમીથી બચવા માટે લોકો વિવિધ પીણા પીતા હોય છે.
શેરડીના રસથી લઈને ટેટી, ટેટી જેવા ફળો ખાઈને ગરમી સામે રક્ષણ મેળવે છે. પરંતુ કાળઝાર ગરમીમાં લૂથી બચવા માટે કોકમ, કાચી કેરી અને ડૂંગળી બેસ્ટ ઓપ્શન છે.
ગરમી સામે રક્ષણ મેળવવા માટે લોકો વિવિધ પીણા, ખાન પાન પર વધારે ધ્યાન આપતા થયા છે ત્યારે ટેટી કૂલર પણ એક સારું પીણું છે.
ઉનાળાની સિઝનનું કેરી, તરબૂચ પછી જેનો નંબર આવે છે એ ફળ છે ટેટી. ઉનાળામાં લોકો ટેટી ખાવાનું પસંદ કરે છે.આ ફળના અનેક સ્વાસ્થ્ય ફાયદા છે. તો ચાલો જાણિએ ટેટી કૂલરની રેસીપી.
એક ટેટી (કોઈપણ ટેટી લઈ શકો), ફુદીના, આદુનો ટુકડો, સાકર, સોડા, સંચળ, લીંબુંનો રસ, ચાટ મસાલો,મરી પાઉડર
ટેટી કૂલર બનાવવા માટે એક મીક્સર જારમાં તાજા ફૂદીનાના પાન લો, આદુનો ટુકડો નાખો, ટેટીને સમારીને નાખો અને મિક્સર વડે એકદમ ક્રસ કરી દો.
આ મીક્સરને ગરણીવડે એક વાસણમાં ગાળી લો, સંચળ, ચાટ મસાલો નાંખો, મરી પાઉડર જો નાંખવો હોય તો ઓપ્શનલ છે.
ત્યાર બાદ અડધુ લિંબુ કાપીને નાંખો તેમજ 25 મીલી સોડા ઉમેરો
આ મીક્સરને ચમચી વડે સારી રીતે મીક્સ કરો અને તેમાં આઈસ ક્યૂબ ઉમેરો.
ત્યાર બાદ કાચ ગ્લાસમાં ડેકોરેટ કરીને આ કૂલર નાંખો અને ફૂદીના પાનથી ગાર્નિસ કરો અને મજા માણો.