Aug 18, 2025
બાળકોને સ્કૂલમાં ટિફિનમાં રોજ-રોજ કઇ વસ્તુ આપવી તેની માતાઓને ચિંતા હોય છે. આ માટે તમે પનીર ફ્રેન્કી રોલ બનાવી શકો છો.
આ વાનગી એકદમ સરળ અને ટેસ્ટી હોય છે. પનીર ફ્રેન્કી રોલની રેસીપી અહીં જણાવી રહ્યા છીએ.
છીણેલું પનીર, રોટલી, તેલ, બટાકા, કોબી, ગાજર, ચાટ મસાલો, હળદર પાઉડર, લાલ મરચું પાઉડર, શેકેલું જીરું પાઉડર, આમચૂર પાઉડર, લીલા ધાણા, લીંબુનો રસ, મીઠું
પનીર ફ્રેન્કી રોલ બનાવવા માટે સૌ પહેલા બાફેલા બટાકાને છોલીને મેશ કરો. આ પછી પનીરને છીણી લો.
હવે બટાકા, લીંબુનો રસ, હળદર પાવડર, આમચૂર પાવડર, ચાટ મસાલો, સ્વાદ મુજબ મીઠું અને બારીક સમારેલા લીલા ધાણા ઉમેરો અને બધું બરાબર મિક્સ કરો.
હવે આ મિશ્રણમાંથી લાંબા આકારના કબાબ બનાવો. આ પછી ગેસ મધ્યમ આંચ પર રાખો અને તેના પર એક તવા મૂકો, થોડું તેલ ઉમેરો અને તેને ગરમ થવા દો.
તેલ ગરમ થાય એટલે તેમાં તૈયાર કરેલા કબાબ નાખો અને બંને બાજુ ગોલ્ડન થાય ત્યાં સુધી ફ્રાઇ કરો.
આ પછી ગાજર અને કોબીને બારીક કાપો અને એક બાઉલમાં રાખો, તેમાં ચાટ મસાલો અને મીઠું ઉમેરો અને ઠંડુ થવા માટે ફ્રીજમાં રાખો.
હવે કબાબને તવામાંથી કાઢીને એક પ્લેટમાં મૂકો. તવા પર મેંદાની રોટલી મૂકો અને તેને હળવેથી ગરમ કરો. જ્યારે રોટલી ગરમ થાય ત્યારે તેમાં પનીર કબાબ મૂકો અને ઉપર ગાજર અને કોબી નાખો. સાથે થોડો ચાટ મસાલો અને થોડો શેકેલો જીરું પાવડર પણ છાંટો.
આ સાથે તમારા સ્વાદિષ્ટ પનીર ફ્રેન્કી રોલ તૈયાર થઇ જશે. તેને સોસ અથવા લીલી ચટણી સાથે ગરમાગરમ પીરસો.