Sep 15, 2025
ગુજરાતમાં ગાંઠીયા ઘણા ખવાય છે. ગાંઠીયા સાથે પપૈયાના સંભારો ખાવાની ઘણી મજા આવે છે.
બહાર ફરસાણની દુકાને મળે તેવો ટેસ્ટી પપૈયાનો સંભારો તમે ઘરે પણ બનાવી શકો છો. અહીં પપૈયાના સંભારાની રેસીપી જણાવી રહ્યા છીએ.
છીણેલું કાચું પપૈયુ, લીલા મરચાં, રાઈ, હીંગ, હળદર, તેલ, મીઠું, પાણી.
એક કડાઈમાં મધ્યમ આંચ પર તેલ ગરમ કરો. તેમાં રાઈના દાણા નાખો. જ્યારે તે તતળવા લાગે ત્યારે તેમાં ચપટી હીંગ નાખો.
આ પછી તેમાં લીલા મરચાં નાખો અને 2 મિનિટ માટે સાંતળો. તેમાં છીણેલું પપૈયું અને મીઠું નાખો અને બરાબર મિક્સ કરો. આ પછી મધ્યમ આંચ પર 2-3 મિનિટ સુધી પકાવો.
આ પછી તેમાં પાણી નાખો અને બરાબર મિક્સ કરો. તેને ઢાંકો અને ધીમી આંચ પર પપૈયું થોડું ક્રિસ્પી રહે ત્યાં સુધી પકાવો.
પપૈયું ચોટી ના જાય તે માટે તેને વચ્ચે-વચ્ચે હલાવતા રહો. આ પછી તેમાં હળદર નાખો અને બરાબર મિક્સ કરો.
આ સાથે જ તમારો પપૈયાનો સંભારો તૈયાર થઇ જશે. એક સર્વિંગ બાઉલમાં તેને કાઢો. તમે તેને ગાંઠીયા સાથે થાઇ શકો છો.