રક્ષાબંધનનો તહેવાર મીઠાઈ વગર અધુરો છે. ત્યારે મીઠાઈ ભાઈ બહેન વચ્ચેના પ્રેમમાં મીઠાશ ઉમેરે છે.
બહેનો રક્ષાબંધનના આ ખાસ દિવસ પર ભાઈ માટે કંઈ અલગ મીઠાઈ બનાવવાનું વિચારો છો તો હૈદરાબાદી ખીર ચોક્કસ ટ્રાય કરાય.
ફુલ ક્રીમ દૂધ - 1લિટર, બાસમતી ચોખા - 1/4 કપ, ખાંડ - 1/2 થી 3/4 કપ (સ્વાદ મુજબ), કન્ડેન્સ્ડ દૂધ (વૈકલ્પિક) - 1/4 કપ (વધુ ઘટ્ટતા માટે)
એલચી - 4 થી 5 , કેસર - એક ચપટી,બદામ - 8-10, કાજુ - 8-10 (સમારેલા), કિસમિસ - 1 ચમચી, ઘી - ૧ ચમચી ગુલાબ પાણી અથવા કેવડાનું પાણી - 1 ચમચી (વૈકલ્પિક)
બાસમતી ચોખાને ધોઈને 30 મિનિટ માટે પલાળી રાખો. કેસરના વાળા ગરમ દૂધમાં પલાળી રાખો.
ભારે તળિયાવાળા તપેલામાં દૂધ ગરમ કરો અને તેને ઉકાળો. પલાળેલા ચોખાને ગાળી લો અને તેને ઉકળતા દૂધમાં ઉમેરો.
દૂધ અને ચોખાના મીશ્રણને ધીમા તાપે થોડી થોડી વારે હલાવતા રહીને પકાવો.દૂધ દાઝી ન જાય એનું ખાસ ધ્યાન રાખવું. ચોખા નરમ થાય અને દૂધ ઘટ્ટ થાય ત્યાં સુધી રાંધો.
ચોખા રાંધાઈ જાય અને દૂધ ઘટ્ટ થાય પછી, સ્વાદ પ્રમાણે ખાંડ અને કન્ડેન્સ્ડ મિલ્ક ઉમેરો. સારી રીતે મિક્સ કરો અને 5-10 મિનિટ સુધી ધીમા તાપે રાંધો.
એલચી પાવડર, કેસરનું દૂધ અને ગુલાબજળ/કેવડાનું પાણી (જો વાપરી રહ્યા હોવ તો) ઉમેરો. ઘીમાં સાંતળેલા ડ્રાયફ્રૂટ્સને ઝીંણા કાપીને ઉમેરો.
આ પ્રમાણે સારી ખીર તૈયાર થાય ત્યારે બાઉલમાં કાઢીને સર્વ કરો.