રક્ષાબંધન પર ભાઇ માટે ભેળસેળવાળી મીઠાઇ ખરીદવાના બદલે તમારે ઘરે જ સ્વાદિષ્ટ અને શુદ્ધ બનાવવી જોઇએ. અહીં ઓછી સામગ્રી અને મહેતનમાં બનતી જતી કોકોનટ સ્વીટ રોલ રેસીપી આપી છે.
કોપરાની છીણ, મિલ્ક પાઉડર, ઘટ્ટ દૂધ, ખાંડ બુરુ, એલચી પાઉડર, ફૂડ કલર, ડ્રાપફ્રૂટની કતરણી, ચાંદીની વરખ
સુંકા કોપરના છીણો, પછી મિક્સર જારમાં નાંખી બારીક કોકોનટ પાઉડર બનાવો, આ કોકોનટ પાઉડરની ચારણી વડે ચાળી લો
હવે એક બાઉલમાં કોકોનટ પાઉડર, મિલ્ક પાઉડર, એલચી પાઉડર, ખાંડ બૂરું અને ઘટ્ટ દૂધ ઉમેરો
પછી હાથ વડે આ બધી સામગ્રી મિક્સ કરી નરમ લોટ જેવું કણક બનાવો
આ લોટના 2 ભાગ પાડો, એક ભાગને સફેદ રાખો અને બીજા ભાગમાં તમારા મનપસંદ ફૂડ કલર ઉમેરો, લોટના બંને ટુકડાને હાથ વડે બરાબર મસળી લો
કોકોનટ પાઉડરના લોટને વલણ વડે ભાખરી જેટલો જાડો અને લંબચોરક આકારમાં વણી લો
હવે સફેદ અને કલર વાળા વલણેના ભાગને એકબીજા ઉપર મૂકી ફરી વણો, જેથી બંને ભાગ એક બીજા સાથે બરાબર ચોંટી જાય
આ કટર વડે કોકોનટ રોલના 2-2 ઇંચ પહોંળા ટુકડા કાપી રોલ બનાવો
આ રીતે ઘરે બનાવેલા કોકોનટ સ્વીટ રોલ ફ્રિજ માં 5 થી 7 દિવસ સુધી ફ્રેશ રહે છે.