રસગુલ્લા સ્વાદીષ્ટ હોય છે અને તે પરંપરાગત બંગાળી મીઠાઈ છે.
રસગુલ્લા તમે ઘરે પણ આસાની રીતથી બનાવી શકો છો. અહીં રસગુલ્લાની રેસીપી જણાવી રહ્યા છીએ.
દૂધ, લીંબુનો રસ, ખાંડ, પાણી, કોર્ન ફ્લોર, ઈલાયચી નો પાઉડર
સૌ પ્રથમ દૂધને ગરમ કરવા મૂકો. એક ઉભરો આવે એટલે ગેસ બંધ કરી દો અને સાધારણ વરાળ નીકળી જાય એટલે તેમાં લીંબુનો રસ અને તેટલું પાણી મિક્સ કરીને ધીરે ધીરે ઉમેરો.
જ્યારે દૂધ પૂરી રીતે ફાટી જાય ત્યારે એક મોટી ચાળણીની ઉપર મલમલનું કપડું પાથરી દો અને તેની ઉપર ફાટેલું દૂધ નાખો. પનીર કપડાંમાં રહી જશે અને બધુ પાણી નીકળી જશે.
લીંબુની ખટાશ કાઢવા માટે પનીર ઉપર સાદા પાણીના 2-3 ગ્લાસ નાખો અને બધુ પાણી કાઢી નાખો. આ પછી તેને મલમલના કપડાંમાં બાંધી દો. જેથી બધુ પાણી નીકળી જાય.
આ પનીરને એક વાસણમાં લો અને તેમાં એક ચમચી કોર્ન ફ્લોર ઉમેરો અને સારી રીતે મિક્સ કરો અને પાંચ મિનિટ માટે મસળી લો. આ પછી તેના નાના ગોળા વાળી લો.
ચાસણી બનાવવા માટે એક મોટા વાસણમાં ખાંડ,પાણી અને એલાઇચી નાખો અને મધ્યમ આંચ પર ગરમ કરવા મૂકો. જ્યારે ચાસણી ઉકળવા લાગે ત્યારે તેમાં ગોળા નાખો.
વાસણને ઢાંકણથી ઢાંકો અને મધ્યમ આંચ પર પકાવો. તેને 10-15 મિનિટ માટે રહેવા દો. આ રીતે તમારા ટેસ્ટી રસગુલ્લા તૈયાર થઇ જશે.
રસગુલ્લાને એક મોટા બાઉલમાં કાઢો અને તેને થોડા કલાકો માટે ઠંડા થવા દો. રસગુલ્લા હવે પીરસવા માટે તૈયાર છે.