કટલેસ એક પ્રખ્યાત વાનગી છે. લગ્ન પ્રસંગોમાં બનતી કટલેસ ખાવામાં ટેસ્ટી હોય છે. અહીં વ્રત ઉપવાસમાં પણ ખાઇ શકાય તેવી કાચા કેળાની ફરાળી કટલેસ બનાવવાની સરળ રીત આપી છે.
કાચા કેળાની કટલેસ બાફેલા કાચા કેળા, લીલા મરચા, બાફેલા બટાકા, જીરું આમચુર પાઉડર, સીંગ દાણાનો ભૂકો, તેલ, ફરાળી મીઠું, સિંગોડા ની લોટ
કાળા કેળાની ફરાળી કટલેસ બનાવવા માટે સૌથી પહેલા કાળા કેળા અને બટાકા કુકરમાં પાણી નાંખી બાફી લો.
આ દરમિયાન કાચી સીંગ શેકી લો, તેના ફોતરા કાઢી સીંગનો અધકચરી ભૂકો બનાવી લો.
હવે એક બાઉલમાં બાફેલા બટાકા અને કાચા કેળા મેશ કરી લો. તેમા લાલ મરચું પાઉડર, જીરું ઝીણા સમારેલા લીલા મરચા, આમચુર પાઉડર, ફરાળી મીઠું ઉમેરી બધી સામગ્રી બરાબર મિક્સ કરી દો.
હવે હાથ વડે આ મસાલા માંથી નાની મીડિયમ કદની ગોળી કટલેસ બનાવો. આ કટલેસને શિંગોડાના લોટમાં લપેટી સાઇડમાં મૂકી દો. બીબા વડે પણ કટલેસ બનાવી શકાય છે.
ગેસ પર એક નોન સ્ટીક તવી ગરમ કરી કટલેસને શેકી લો. મીડિયમ તાપે કટલેસ બ્રાઉન રંગની થાય ત્યાં સુધી શેકવાની. કટલેસ શેકવા માટે તેલનો ઉપયોગ કરી શકાય છે.
ગરમાગરમ કાચા કેળાની કટલેસ તૈયાર છે. આ કટલેસને ફુદીના લીલા મરચાની ચટણી અને ખજૂર ગોળ આમલીની ચટણી સાથે સર્વ કરો.
કાચા કેળાની કટલેસને વધુ સ્વાદિષ્ટ અને પૌષ્ટિક બનાવવા માટે બાફેલા ગાજર અને બીટ પણ ઉમેરી શકાય છે.