1/2 કપ બાસમતી ચોખા, 5 કેસરના તાંતણા, 1 ટેબલસ્પૂન દૂધ (ગરમ), 6 કાજુ, 6 બદામ, 1 તમાલ પત્ર, 2 લવિંગ, 1 લીલી એલચી, 2 તજનો ટુકડો, 1 લીલું મરચું, 1/2 ચમચી છીણેલું આદું,
1 ડુંગળી, 1/4 કપ સફરજન, 1/4 કપ દાડમના દાણા, 1/2 કપ દ્રાક્ષ (બી કાઢેલી), મીઠું- સ્વાદ પ્રમાણે,2 ટેબલસ્પૂન ઘી, ડુંગળી તળવા માટે તેલ, 1 કપ પાણી
રાઈસને 2-3 વાર પાણીથી ધોઈ લો અને 15 મિનિટ સુધી પાણીમાં પલાળી દો. ત્યારબાદ ચોખામાંથી વધારાનું પાણી કાઢો અને ચોખાને એક બાજુ રાખો
કેસરને ટેબલસ્પૂન ગરમ દૂધમાં પલાળો, એક કડાઈમાં ઘી ગરમ કરો. તેમાં કાજુ અને બદામ નાખો અને તેને હલ્કા ગોલ્ડન થાય ત્યાં સુધી સાંતળો. તેને થાળીમાં કાઢો.
1 ચમચી ઘી નાખો અને તેમાં તમાલ પત્ર, લવિંગ, લીલી એલચી અને તજનો ટુકડો નાખો સાંતળો. તેમાં લીલું મરચું, છીણેલું આદું નાખીને થોડી વાર માટે સાંતળો, તેમાં પલાળેલા અને પાણી કાઢેલા ચોખા નાખોં, તેને 2 મિનિટ માટે સાંતળો
તેમાં 1 કપ પાણી, પલાળેલું કેસર અને મીઠું નાખોં. તેને બરાબર મિક્ષ કરો અને મધ્યમ આંચ પર ઉકળવા મૂકો, જ્યારે તે ઉકળવા લાગે ત્યારે આંચને ધીમી કરો અને ઢાંકણ લગાવીને 10 મિનિટ અથવા ચોખા ચડી જાય ત્યાં સુધી પકાવો.
ભાત બની જાય પછી ગેસને બંધ કરી દો અને ઢાંકણ ખોલ્યા વગર રહેવા દો. ઢાંકણ ખોલો અને ચમચીથી હલાવી લો. બીજા પેનમાં ડુંગળી તળવા માટે તેલ ગરમ કરો અને તેલમાં નાખોં અને બદામી થાય ત્યાં સુધી તળો. ડુંગળીને વચ્ચે-વચ્ચે હલાવતા રહો.
બનાવેલા ભાતમાં ડ્રાયફ્રટ્સ, કાપેલા તાજા ફળ (સફરજન, દ્રાક્ષ, દાડમના દાણા) અને હલ્કી તળેલી ડુંગળી નાખોં, તેને ધીમેથી હલાવો અને સર્વિંગ બાઉલમાં કાઢો. તેને કોથમીરથી સજાવો.