Sep 13, 2025
હોટલ હોય કે ઢાબા, દરેક સ્થાન પર તમને સેવ ટામેટાનું શાક અવશ્ય જોવા મળશે.
હોટલના સેવ ટામેટાના શાકનો ટેસ્ટ એકદમ ચટાકેદાર આવે છે. તમે ઘરે પણ આવું શાક બનાવી શકો છો. અહીં તેની રેસીપી જણાવી રહ્યા છીએ.
ટામેટાં, સેવ, મીઠુ, રાઈ, તેલ, આદુ-લસણ ની ચટણી, ડુંગળી, જીરું, ગરમ મસાલા, હળદર, લીલુ મરચું, લાલ મરચું પાઉડર, ધાણા જીરું, ધાણા.
સેવ ટામેટાનું શાક બનાવવા માટે સૌ પ્રથમ ટામેટાં ધોઈને ટુકડા કરી લો.
એક કડાઈમાં તેલ ગરમ કરો. તેમાં રાઈ અને જીરું નાખો. જ્યારે રાઈ ફૂટવા લાગે ત્યારે તેમાં કાપેલી ડુંગળી નાખો અને તેને હલ્કી બદામી રંગની થાય ત્યાં સુધી સાંતળો.
તેમાં આદું-લસણની પેસ્ટ અને કાપેલું લીલું મરચું નાખો અને થોડી સેકંડ માટે સાંતળો. તેમાં કાપેલા ટામેટાં નાખો અને એક મિનિટ માટે સાંતળો.
આ પછી તેમાં મીઠું અને હળદર નાખો. બરાબર મિક્સ કરો અને 2-3 મિનિટ માટે મધ્યમ આંચ પર પકાવો.
તેમાં થોડું પાણી નાખો અને બરાબર મિક્સ કરો. ટામેટાં નરમ થઈ જાય ત્યાં સુધી ધીમી આંચ પર પકાવો. થોડીવાર ચમચાથી હલાવતા રહો.
તેમાં લાલ મરચું પાઉડર, ગરમ મસાલા પાઉડર, ધાણાજીરું અને સેવ નાખો. તેને બરાબર મિક્સ કરો અને થોડી મિનિટ પકાવો. આ રીતે સેવ ટામેટા શાક તૈયાર થઇ જશે.
સેવ ટામેટાંના શાકને બાઉલમાં કાઢો અને લીલા ધાણાથી સજાવો. તેને પરોઠા, રોટલી કે થેપલા ખાઇ શકો છો.