Nov 26, 2025
જો તમે રોજ એકને એક શાક ખાઇને કંટાળી ગયો છો તો અમે તમને નવા અલગ શાક વિશે જણાવી રહ્યા છીએ. આ શાક સિંગ ભજીયાનું છે
સિંગ ભજીયાનું શાક ઘણું ટેસ્ટી હોય છે અને તેને શિયાળામાં ખાવાની એકદમ અલગ મજા આવે છે. અહીં સિંગ ભજીયાના શાકની રેસીપી વિશે જણાવી રહ્યા છીએ.
1 પેકેટ સિંગ ભજીયા, 2 નંગ સમારેલી ડુંગળી, 1 નંગ સમારેલા ટામેટાં, 4 નંગ લસણની કળી, 2 નંગ સમારેલા લીલા મરચા, 1 આદુનો ટુકડો, રતલામી સેવ, 3 ચમચી તેલ, જીરુ, હિંગ, રાઇ, મરચું પાઉડર, હળદર, સ્વાદ પ્રમાણે મીઠું.
સૌ પ્રથમ મિક્સરમાં ડુંગળી, ટામેટાં, લસણ, લીલા મરચાં અને આદુ બધું ક્રશ કરી લેવું
ત્યારબાદ એક કડાઇમાં તેલ ગરમ કરવા મુકો અને તેમાં ડુંગળી, ટામેટા વાળી પેસ્ટ એડ કરો.
આ પછી રાઇ, જીરું, હિંગ,સ્વાદ અનુસાર મીઠું અને લાલ મરચું નાખી બધુ બરાબર હલાવી લેવું અને પછી બે મિનિટ ઢાંકી દેવું.
બે મિનિટ પછી પાછું હલાવી લેવું પછી તેમાં ખાંડેલા સિંગ ભજીયા એડ કરવા તેલ છૂટું પડે ત્યાં સુધી રહેવા દેવું.
આ પછી સિંગ ભજિયાનું ટેસ્ટી શાક તૈયાર થઇ જશે. જેને તમે રોટલી સાથે ખાઇ શકો છો.