Jul 01, 2025
અપ્પમ સાઉથ ઇન્ડિયન રેસીપી છે. તેનો સ્વાદ ઘણો જ ટેસ્ટી આવે છે.
વરસાદના ઠંડક ભર્યા વાતાવરણમાં ટેસ્ટી અપ્પમ ઘરે બનાવો. અહીં અપ્પમ બનાવવાની રેસીપી જણાવી રહ્યા છીએ.
રવો (સોજી), દહીં, રાઇ, બાફેલા મકાઈના દાણા, આદુની પેસ્ટ, લસણની પેસ્ટ, ગાજર, ટામેટા. લીલા મરચા સમારેલા, હળદર, કેપ્સીકમ, કોબી, ડુંગળી, કોથમીર, ચીલી ફ્લેક્સ, ખાવાના સોડા, મીઠું, તેલ.
રવાને બરાબર સાફ કરી દો અને થોડુંક પાણી નાખી 2 કલાક માટે પલાળી મૂકો. આ પછી રવો બરાબર ફૂલી જશે. જો જરૂર પડે તો તેમાં બીજું પાણી ઉમેરો અને થોડુંક ઢીલું કરો.
ત્યારબાદ તેમાં ઝીણા સુધારેલા કેપ્સીકમ,બાફેલા મકાઈના દાણા, ચીલી ફ્લેક્સ, આદુની પેસ્ટ, લસણની પેસ્ટ, ગાજર, ટામેટા, લીલા મરચા, હળદર, સોડા, ડુંગળી, કોથમીર અને મીઠું નાખો.
આ બધાને બરોબર મિક્સ કરો. આ રીતે અપ્પમનું ખીરું તૈયાર થઇ જશે.
હવે અપ્પમ માટે એક વાસણ આવે છે તેને સહેજ ગરમ કરો. તેના દરેક ખાનામાં જરાક તેલ મૂકો અને પછી તેના પર ખીરું પાથરો. હવે ધીમી આંચે અપ્પમને ચડવા દો.
અપ્પમની એક બાજુ ગોલ્ડન બ્રાઉન રંગની થાય એટલે તેને ફેરવી નાખો અને બીજી બાજુને ચડવા દો. અપ્પમની સાઈડ પલટાવતાં પહેલા તેના પર એક ટીંપુ તેલ નાખો જેથી બીજી બાજુ બરાબર ચડે.
આ રીતે તમારા ટેસ્ટી અપ્પમ તૈયાર થઇ જશે. તેની ચટણી કે સોસ સાથે સર્વ કરી શકો છો.