Aug 09, 2025
સોજીનો શીરો કે રવા નો શીરો એક સ્વાદિષ્ટ અને પરંપરાગત વાનગી છે. જે મોટાભાગના ઘરોમાં બને છે.
અમે અહીં સોજીના શીરાની રેસીપી જણાવી રહ્યા છીએ. આવી રીતે ટ્રાય કરવાથી મહાપ્રસાદ જેવો સ્વાદ આવશે.
સોજી (રવો), દેશી ઘી, ખાંડ, દૂધ, પાણી, એલાયચી પાઉડર, કિસમિસ, ડ્રાયફ્રૂટસ.
એક તપેલીમાં પાણી લઇ અને ગેસ પર ઉકળવા મુકો. આ પછી ગેસને બંધ કરી દો અને ગરમ પાણીને એક બાજુ રાખો.
એક કડાઈમાં ઘી અને સોજી નાખો અને મધ્યમ આંચ પર ગરમ કરવા મુકો. ગરમ થવાથી ઘી પીગળવા લાગશે. આ દરમિયાન તમે દૂધ નાખો. બધાને બરાબર મિક્સ કરો.
મિશ્રણને મધ્યમ આંચ પર ગોલ્ડન બદામી રંગનું થાય ત્યાં સુધી ચમચાથી હલાવીને શેકો. આ પછી ગેસની ફ્લેમને ધીમી કરો અને ઉકાળેલું ગરમ પાણી નાખો અને સતત ચમચાથી હલાવતા રહો.
હલાવતા દરમિયાન એકપણ ગાંઠ ન રહે તેનું ધ્યાન રાખો. બધુ પાણી સુકાઈ જાય પછી તેમાં ખાંડ અને એલાઇચી પાઉડર નાખો.
ખાંડ ઓગળી જાય અને મિશ્રણ ઘટ્ટ થઈ જાય ત્યાં સુધી પકાવો. આ રીતે તમારો સોજીનો શીરો તૈયાર થઇ જશે.
એક ડીશમાં કાઢી લો. તેની ઉપર કાજુ અને બદામ નાખી સજાવો. આ પછી સર્વ કરો.