સવારે હેલ્ધી નાસ્તો કરવાથી તમને આખો દિવસ એનર્જી રહે છે. તમે સોજીમાંથી ઉપમા બનાવી ખાઇ શકો છો.
સોજીના ઉપમામાં વિવિધ શાકભાજીનો પણ ઉપયોગ થાય છે, જે તેને વધુ પૌષ્ટિક બનાવે છે. અહીં તેની રેસીપી જણાવી રહ્યા છીએ.
સોજી, તેલ, અડદની દાળ, રાઇ, પાણી, ચણાની દાળ, લીલા મરચાં, આદુ, ડુંગળી, લીલા શાકભાજી, મીઠું, મીઠો લીમડો, લીંબુનો રસ, લીલા ધાણા.
સોજીનો ઉપમા બનાવવા માટે સૌપ્રથમ એક કઢાઇમાં સોજી નાખી તેને ધીમા તાપ પર તે હળવો સોનેરી થાય ત્યાં સુધી શેકી લો. તે પછી તેને એક પ્લેટમાં કાઢી લો.
હવે તે જ કઢાઇમાં તેલ અથવા ઘી ગરમ કરી તેમાં રાઇ, અડદની દાળ અને ચણાની દાળ મેળવો. થોડી વાર શેક્યા પછી, તે હળવા સોનેરી થઈ જ્યારે ત્યારે હવે તેમાં મીઠો લીમડો, લીલા મરચાં અને આદુ ઉમેરો અને તેને શેકી લો.
હવે તેમાં લીલા શાકભાજી ઉમેરો અને થોડીવાર પકાવી લો, જેથી શાકભાજી નરમ થઈ જાય. ત્યારબાદ તેમાં મીઠું અને પાણી ઉમેરો.
જ્યારે પાણી ઉકળી જાય ત્યારે તેમાં શેકેલા સોજી ઉમેરો અને સતત હલાવો. તેને ઢાંકીને બેથી ત્રણ મિનિટ સુધી પકાવો.
છેલ્લે તેમાં લીંબુનો રસ ઉમેરો અને તેની ઉપર લીલા ધાણા ઉમેરી સારી રીતે મિક્સ કરી લો.
આ રીતે સોજીનો ઉપમા તરત જ તૈયાર થઈ જશે. તમે તેને નાળિયેર ચટણી અથવા સાંભાર સાથે પીરસી શકો છો.