મીઠાઇ ખાવી દરેક વ્યક્તિને ગમે છે. મીઠાઇમાં શીરો કે હલવો સૌથી લોકપ્રિય વાનગી છે. સામાન્ય રીતે આપણે બધાએ સોજી, ગાજર અને દૂધીનો હલવો ખાધો જ હશે. જો તમને કંઇક યુનિક હલવો ખાવાની ઇચ્છા છે તો મેંગો હલવો રેસીપી ટ્રાય કરી શકાય છે.
હાલ કેરીની સીઝન ચાલી રહી છે. કેરી માંથી ઘણી વાનગી બને છે. અહીં કેરીનો હલવો એટલે કે મેંગો હલવો બનાવવાની રેસીપી આપી છે.
સોજી, ઘી, કેરીનો પલ્પ, એલજી, દૂધ ખાંડ, ડ્રાયફૂટ્સના ટુકડા
મેંગો હલવો બનાવવા માટે ગેસ પર એક પેનમાં ઘી ગરમ કરો
ગરમ ઘી માં સોજી સોનેરી થાય ત્યાં સુધી શેકો
એક વાતનું ધ્યાન રાખો કે સોજી પેનમાં પર ચોંટી કે વધારે બળી ન જાય
હવે કેરીની છાલ કાઢી તેને કાપી લો. પછી મિક્સ જારમાં પલ્પ બનાવી લો. તેમા દૂધ કે પાણી કંઇ ઉમેરવાનું નથી.
ગેસ પર એક પેનમાં મેંગો પ્લપ સહેજ પકવો
ત્યાર પછી કેરીના પલ્પમાં શેકેલી સોજી ઉમેરી બરાબર મિક્સ કરી લો
સોજીને રાંધવા માટે પેનમાં દૂધ ઉમેરો, બધી સામગ્રી બરાબર મિક્સ કરી હલવાને મધ્યમ આંચ પર પકવવા દો, સ્વાદ વધારવા માટે ઘી પણ ઉમેરી શકાય છે
મેંગો હલવામાં મીઠાઇ માટે ખાંડ , એલચી પાવડર ઉમેરો
છેલ્લે ડ્રાયફ્ટુસ વડે ગાર્નિશ કરી મેંગો હલવો મહેમાનોને પીરસો.