અસહ્ય ગરમીના લીધે બોડી ડીહાઇડ્રેટ થવાથી થાક લાગે છે, અને એનર્જી ઓછી થઇ જાય છે ત્યારે તમે આ ડ્રિન્ક અજમાવી શકો છો, આ શરબતની ખાસ વાત એ છે કે, ગ્લુટેન ફ્રી, ડેરી ફ્રી, પ્રોટીનથી ભરપૂર, નેચરલ શીતક એનર્જી ડ્રિંક છે.
આ હાઈ પ્રોટીન શરબત તમને આખો દિવસ ઉર્જાવાન રાખશે, ડ્રિંકમાં કોઈ સોડા કે આર્ટિફિશિયલ ફ્લેવર એડ કર્યું નથી.
'પ્રોટીન રિચ શરબત' બનાવાની સામગ્રી : 2 ચમચી સત્તુ પાઉડર, મુઠ્ઠીભર ફુદીનાના પાન, થોડી કોથમીર, 1 લીલું મરચું ,1/2 ઇંચ આદુનો ટુકડો, 1 ચમચી જીરું, 1 ચમચી રોક સોલ્ટ, 1/2 ચમચી ખાંડ (ઓપ્શનલ), એક લીંબુનો રસ, તકમરીયા, પાણી અને બરફ
પ્રોટીન રિચ શરબત' બનાવાની રીત : સૌ પ્રથમ સત્તુ પાઉડર એક ગ્લાસમાં લો, તેમાં ફુદીનાના પાન અથવા તેને ક્રશ કરી મિક્ષ કરો.તેમાં 1 લીલું મરચું ,1/2 ઇંચ આદુનો ટુકડો, 1 ચમચી જીરું, 1 ચમચી રોક સોલ્ટ, 1/2 ચમચી ખાંડ (ઓપ્શનલ) અને લીંબુનો રસ ઉમેરો. હવે બધું બરાબર મિક્ષ કરો.
પલાળેલા તકમરીયા, જરૂર મુજબ પાણી અને આઈસ ક્યુબ એડ કરો કોથમીરથી ગાર્નિશ કરો અને આ ડ્રિન્ક સર્વ કરો.