યોગ્ય સનસ્ક્રીન પસંદ કરવાનું પહેલું સ્ટેપ છે તમારી સ્કિનના પ્રકારને સમજો. જો તમારી સ્કિન ઓઈલી હોય તો, તો ઓઇલ ફ્રી અથવા જેલ-બેઝડ સનસ્ક્રીન કે જે છિદ્રોને બંધ ન કરે તેવું સનસ્ક્રીન પસંદ કરો.
ડ્રાય સ્કિન માટે, હાયલ્યુરોનિક એસિડ જેવા હાઇડ્રેટિંગ ઘટકો સાથે મોઇશ્ચરાઇઝિંગ સનસ્ક્રીન પસંદ કરો.
SPF (સન પ્રોટેક્શન ફેક્ટર) સૂચવે છે કે સનસ્ક્રીન UVB કિરણો સામે તમારી સ્કિનની કેટલી રક્ષા કરી શકે છે, જે સનબર્નનું કારણ બને છે.
અમેરિકન એકેડેમી ઓફ ડર્મેટોલોજી પર્યાપ્ત સુરક્ષા માટે SPF 30 અથવા તેથી વધુ સાથે બ્રોડ-સ્પેક્ટ્રમ સનસ્ક્રીનનો ઉપયોગ કરવાની ભલામણ કરે છે. જો તમે લાંબા સમય સુધી તડકામાં વિતાવતા હોવ તો હાઈ એસપીએફ સનસ્ક્રીન પસંદ કરવું જોઈએ.
યુવી કિરણો સ્કિનને નુકસાન પહોંચાડી શકે છે અને અકાળ વૃદ્ધત્વ અને સ્કિન કેન્સરનું કારણ બની શકે છે. એવુંસનસ્ક્રીન પસંદ કરો જે બ્રોડ-સ્પેક્ટ્રમ પ્રોટેક્શન આપે છે, જે UVA અને UVB કિરણો બંને સામે રક્ષણ આપે છે.
ઝીંક ઓક્સાઇડ અને ટાઇટેનિયમ ડાયોક્સાઇડ જેવી સામગ્રી અને અસરકારક વ્યાપક-સ્પેક્ટ્રમ કવરેજ પ્રદાન કરે છે.
સનસ્ક્રીન પસંદ કરતી વખતે તમારા પ્લાન વિશે વિચારો. જો તમે સ્વિમિંગ અથવા જિમ કરો છો , તો લાંબા સમય સુધી ચાલતી સુરક્ષાની ખાતરી કરવા માટે પાણી-પ્રતિરોધક ફોર્મ્યુલા પસંદ કરો. આઉટડોર પ્રવૃત્તિઓ દરમિયાન વધુ ટકે તેવા ”પસીનો-પ્રતિરોધક” સનસ્ક્રીનની પસંદગી કરો.