Oct 02, 2024
ઢોકળા ગુજરાતની પ્રખ્યાત વાનગી છે. સામાન્ય રીતે ઢોકળા ચણાના લોટ માંથી બને છે. અહીં લીલી મકાઈ માંથી ઢોકળા બનાવવાની રેસીપી આપી છે. લીલી મકાઈના ઢોકળા એકદમ બહુ ટેસ્ટ અને સ્પન્જી હોય છે.
લીલી મકાઈના ઢોકળા બનાવવા સરળ છે. સૌથી પહેલા મકાઈ ડોડા માંથી મકાઈના દાણા કાઢી લો. હવે મકાઈના દાણા મિક્સરમાં ગ્રાન્ડ કરી પેસ્ટ બનાવી લો.
મકાઈની પેસ્ટ હવે એક બાઉલમાં કાઢી લો. તેમા સોજી, થોડોક ચણાનો લોટ અને દહીં ઉમેરું બરાબર મિક્સ કરી થોડીક વાર મૂકી રાખો.
હવે ઢોકળાના ખીરામાં થોડીક હળદર, સ્વાદ અનુસાર મીઠું અને ખાવાનો સોડા કે ઇનો ઉમેરી બરાબર મિક્સ કરો.
હવે એક થાળીમાં કુકિંગ ઓઇલ કે બટર લગાવી ઢોકળાનું ખીરું નાંખો અને તેને ઢોકળાના સ્ટીમરમાં સ્ટીમ થવા મૂકો.
જો તમારી પાસે ઢોકળાનું સ્ટીમર નથી તો તપેલી કે કોઇ વાસણમાં પાણી ગરમ કરી ઢોકળાને સ્ટીમ કરી શકો છો.
5 થી 10 મિનિટમાં ઢોકળા બરાબર સ્ટીમ થઇ જાય એટલે બહાર કાઢી લો. હવે ઢોકળા પર તેલમાં રાઇ, તલ, મીઠો લીમડો, લીલા મરચાનો વધારો કરો.
લીલી મકાઈના ઢોકળા સાથે ગ્રીન ચટણી સર્વ કરો અને મજા માણો.
લીલી મકાઈના ઢોકળાની રેસીપી સેફ મેઘના એ તેમના ઇન્ટ્રાગ્રામ એકાઉન્ટ @meghnasfoodmagic પર પોસ્ટ કરી છે. તમે અહીં લીલી મકાઈ ઢોકળા રેસીપીનો સંપૂર્ણ વીડિયો જોઇ શકો છો.