2 કપ મેંદાનો લોટ, સ્વાદ મુજબ મીઠું, 1 ચમચી તેલ, 1/2 કપ પાણી
2 ચમચી તેલ, 1 કળી લસણ, બારીક સમારેલું 2 ડુંગળી, 1 બારીક સમારેલ ગાજર, 2 કપ છીણેલી કોબીજ, 1/2 ચમચી વાટેલા કાળા મરી, સ્વાદ મુજબ મીઠું, 1 ચમચી બારીક સમારેલા કોથમીર
1 કપ દહીં, 1 ચમચી આદુ-લસણની પેસ્ટ, 1/4 ચમચી હળદર પાવડર, 1 ચમચી કાશ્મીરી લાલ મરચું પાવડર, 1/2 ચમચી ગરમ મસાલો, 1 ચમચી કસુરી મેથી, 1 ચમચી લીંબુનો રસ, 1 ચમચી તેલ, 1/4 ચમચી મીઠું
2 ચમચી તેલ, 2 નાના ટુકડા ગરમ કોલસા, 1 ચમચી ઘી
એક મોટા બાઉલમાં લોટ, મીઠું અને તેલ ભેગું કરો. ધીમે ધીમે પાણી ઉમેરો અને નરમ અને મુલાયમ કણક બાંધો. તેને ઢાંકીને 30 મિનિટ માટે રાખો.
એક કડાઈમાં તેલ ગરમ કરો, તેમાં લસણ ઉમેરો અને થોડું શેકો. પછી ડુંગળી ઉમેરો અને ગોલ્ડન બ્રાઉન થાય ત્યાં સુધી સાંતળો. છીણેલા ગાજર અને કોબીજ ઉમેરો, સારી રીતે મિક્સ કરો અને થોડા નરમ થાય ત્યાં સુધી કુક કરો.
કાળા મરી, મીઠું અને કોથમીર ઉમેરો, મિક્સ કરો અને ઠંડુ થવા દો. કણકના નાના ગોળા બનાવો અને તેને પાતળા પાથરીને લો. દરેક રોટલીના મધ્યમાં સ્ટફિંગ મૂકો અને કિનારીઓને વાળીને તેને પસંદગીનો આકાર આપો.
સ્ટીમરમાં પાણી ઉકાળો. મોમોઝને સ્ટીમર ટ્રે પર મૂકો જેથી તેઓ એકબીજાને સ્પર્શ ન કરે. 10 થી 12 મિનિટ સુધી અથવા તે ચમકદાર દેખાય ત્યાં સુધી વરાળથી બાફો.
એક બાઉલમાં દહીં, આદુ-લસણની પેસ્ટ, હળદર પાવડર, લાલ મરચાં પાવડર, ગરમ મસાલો, કસૂરી મેથી, લીંબુનો રસ, તેલ અને મીઠું મિક્સ કરો. સારી રીતે ભેળવી દો. રાંધેલા મોમોઝને મેરીનેશનમાં ડુબાડીને તેને સારી રીતે કોટ કરો.
તેને ઓછામાં ઓછા 1 કલાક માટે મેરીનેટ થવા દો. એક પેનમાં 2 ચમચી તેલ ગરમ કરો અને મેરીનેટ કરેલા મોમો ઉમેરો. મધ્યમ તાપ પર 2 મિનિટ સુધી રાંધો અને પછી પલટાવીને બધી બાજુથી સારી રીતે કુક કરો. વચ્ચે એક નાનો બાઉલ મૂકો અને તેમાં ગરમ કોલસાના ટુકડા નાખો.
ઉપર ઘી રેડો અને તરત જ ઢાંકણ બંધ કરો. તેને 2 થી 3 મિનિટ સુધી સ્મોકી થવા દો. તમે મેરીનેટ કરેલા મોમોને થોડા તેલમાં હળવા સોનેરી અને થોડા ક્રિસ્પી થાય ત્યાં સુધી શેલો ફ્રાય પણ કરી શકો છો હવે મસાલેદાર ચટણી સાથે સર્વ કરો.