થાબડી પેંડા ગુજરાતના સૌરાષ્ટ્રની પ્રખ્યાત મીઠાઇ છે. દાણાદાર થાબડી પેંડા મોં મુકતા જ ઓગળી જાય છે. અહીં રક્ષાબંધન મીઠાઇ માટે થાબડી પેંડા બનાવવાની રેસીપી આપી છે.
થાબડી પેંડા બનાવવા દૂધ ફુલ ક્રીમવાળું 1 લીટર, ખાંડ 1 વાટકી, ફટકડીનો પાઉડર 1 નાની ચમચી, બદામની કતરણ
થાબડી પેંડા બનાવવા માટે સૌથી પહેલા ગેસ ચાલુ કરી એક જાડા તળિયા વાળી કઢાઇમાં 1 લીટર દૂધને 5 - 7 મિનિટ ઉકાળો, ગેસ પર ફુલ આંચ પર દૂધમાં 1 - 2 ઉકાળો
હવે દૂધમાં 1 નાની ચમચી ફટકડી પાઉડર નાંખો, તેનાથી દૂધ ફાટી જશે
હવે ગેસની આંચ ફુલ કરી દૂધને સતત હલાવતા રહો, જેથી કઢાઇના તળિયે દૂઝ દાઝી ન જાય
ગેસ ચાલુ કરી એક બીજી કઢાઈમાં 1 વાટકી ખાંડ ઓગાળી કેરેમલ બનાવો, ખાંડ ઓગાળવા માટે પાણી કે ઉમેરવાનું નથી. ખાંડ ઓગળીને બ્રાઉન થાય તેને કેરેમલ કહે છે, તે વધુ કડક ન થઇ જાય તેનું ધ્યાન રાખો
હવે ગેસની આંચ ફુલ કરી દૂધ વાળી કઢાઇમાં કેરેમલ ઉમેરી સતત હલાવો
દૂધનું પાણી સંપૂર્ણ બળી જાય અને દાણાદાર માવો બને ત્યાં સુધી હલાવતા રહો
આ દૂધનો માવો સહેજ ઠંડો થવા દો, ત્યાર પછી હાથ વડે ગોળ પેંડા બનાવો, પેંડા પર બદામ કે કાજુ લગાવો
આ રીતે ઘરે બનાવેલા થાબડી પેંડા 4 થી 5 દિવસ સુધી ફ્રેશ રહે છે.