Jun 04, 2025
સામાન્ય રીતે મોટાભાગના ઘરોમાં અલગ અલગ પુરીઓ બનતી હોય છે. પરંતુ શું તમે ટામેટા બટાકાની મસાલેદાર પુરી ટ્રાય કરી છે?
ટામેટા અને કાચા બટાકામાંથી બનતી આ પુરી સ્વાદમાં જોરદાર હોય છે અને ચા, ચટણી, શાક, દહીં બધા સાથે ખાવાની મજા પડી જાય છે.
ટામેટા બટાકાની મસાલેદાર પુરી બનાવવી એકદમ સરળ છે. તો ફટાફટ નોંધી લો પરફેક્ટ માપ સાથે સ્ટેપ બાય સ્ટેપ રેસીપી.
ત્રણ ટામેટા, એક બટાકું, ચાર લસણની કળી, અડધો ઈંચ આદુનો ટુકડો, જીરું, કલોંજી, અજમો, સફદ તલ, ધાણા પાઉડર,
મીઠું, ચીલી ફ્લેક્સ, હળદર, હીંગ, લીલા ધાણા, એક કપ ઘઉંનો લોટ, 1/4 કપ ચોખાનો લોટ,1 ટેબલ સ્પૂન ઘી, પુરી તળવા માટે તેલ
એક મીક્સર જારમાં કાપેલા ત્રણ ટામેટા, છાલ ઉતેરીને કાપેલું એક કાચું બટાકું લેવું, તેમાં ચાર લસણની કળી, અડધો ઈંચ આદુના ટુકડા નાંખવા, સહેજ પાણી નાંખી ફાઈન પ્યુરી તૈયાર કરવીં.
લોટ બાંધવાના વાસણમાં ટામેટા બટાકાની પ્યુરી નાંખો, તેમાં અડધી ચમચી જીરું, અડધી ચમચી કલોંજી, અડધાથી ઓછી ચમચી અજમો, એક ચમચી સફદ તલ નાંખો.
તેમાં એક ચમચી ધાણા પાઉડર, સ્વાદ પ્રમાણે મીઠું, અડધી ચમચી ચીલી ફ્લેક્સ, હળદર, હીંગ, કાપેલા લીલા ધાણા એક કપ ઘઉંનો લોટ, 1/4 કપ ચોખાનો લોટ,1 ટેબલ સ્પૂન ઘી સારી રીતે મીક્સ કરો.
આ મસાલેદાર પ્યુરીમાં એક કપ ઘઉંનો લોટ અને અડધો કપ ચોખાનો લોટ, એક ચમચી ઘી નાંખીને સારી રીતે લોટ બાંધીને ઢાંકીને 5 મીનીટ રેસ્ટ કરવા દો.
રેસ્ટ થયેલા લોટને ફરીથી મસળો અને તેમાંથી નાની સાઈઝના ગુલ્લા બનાવી પુરી બનાવી. હવે કઢાઈમાં પહેલાથી ગરમ કરેલા તેલમાં મીડિયમ હાઈ ફ્લેમમાં પુરીઓ તળવી.
પુરીઓને ગોલ્ડન બ્રાઉન થાય ત્યાં સુધી તળવી. આમ તૈયાર થઈ જશે ટામેટા બટાકાની મસાલેદાર પુરીઓ.