ભૂખ લાગે ત્યારે નાસ્તામાં વડાપાવ યાદ આવે છે. તેમાં પણ બહાર લારી પર પડતા વડાપાવનો સ્વાદ ઘણો ટેસ્ટી હોય છે.
તમે ઘરે પણ આવા ટેસ્ટી વડાપાવ બનાવી શકો છો. અહી વડાપાવની રેસીપી જણાવી રહ્યા છીએ.
પાવ, ચણાનો લોટ, બાફેલા બટાકા, લાલ ચટણી, આદુ લસણની પેસ્ટ, લીંબુનો રસ, લીલા મરચાની પેસ્ટ, ચમચી હળદર, ગરમ મસાલો, બટર, તેલ, સાજીના ફૂલ, મીઠું, ગરમ મસાલો.
સૌપ્રથમ કુકરમાં બટાકા લો અને તેને બાફી લો. બટાકા બફાઈ જાય એટલે તેની છાલ ઉતારીને બરાબર મસળી ભુક્કો કરી લેવો.
હવે આ બટાકાની અંદર આદુ મરચાં લસણની પેસ્ટ, સ્વાદ મુજબ મીઠું, હળદર, ગરમ મસાલો, લીંબુનો રસ અને કોથમીર ઉમેરી બરાબર મિક્સ કરીને એકસરખો મસાલો તૈયાર કરવો. ત્યારબાદ તેના ગોળ બોલ બોલ વાળી દેવા.
હવે એક બાઉલમાં એક વાટકીમાં ચણાનો લોટ લો તેમાં સ્વાદ મુજબ મીઠું, ચપટી સાજીના ફૂલ અને તેની ઉપર થોડું લીંબુ નીચવો. આ પછી જરૂર મુજબ પાણી ઉમેરી અને ખીરું તૈયાર કરો.
આ પછી ગેસ ઉપર કડાઈમાં તેલ મૂકો. હવે વડાને ચણાના લોટના ખીરામાં ડીપ કરી અને પછી તળી લો. તે એકદમ સોનેરી થાય એટલે બહાર કાઢી લો.
હવે લોઢી ગેસ ઉપર મૂકો અને તેમાં બટર મૂકો. આ પછી પાવને વચ્ચેથી કટ કરી અને શેકી લો.
ત્યારબાદ ગ્રીન ચટણી લગાડી અને વડુ મુકી પેક કરી અને બંને બાજુ શેકી લો.
આ રીતે તમારા ટેસ્ટી વડાપાવ તૈયાર થઇ જશે. તેને સર્વિંગ પ્લેટમાં લઇ અને ચટણી કે સોસ સાથે સર્વ કરી શકો છો.