જો તમે રોજ-રોજ એકનું એક શાક ખાઇને કંટાળી ગયા હોય તો તમે વેજીટેબલ પુલાવ બનીને ખાઇ શકો છો.
એકદમ છુટા અને ટેસ્ટી વેજીટેબલ પુલાવ બનાવવાની રેસીપી અહીં જણાવી રહ્યા છીએ.
બાસમતી ચોખા, બટર, તેલ, ટામેટુ બારીક સમારેલું, ડુંગળી બારીક સમારેલી, સમારેલું ગાજર, મીઠો લીમડો, તજ, લવિંગ, વટાણા, રાઈ, હિંગ, હળદર, લાલ મરચું પાઉડર, ગરમ મસાલો, મીઠું, લીલા ધાણા.
સૌ પ્રથમ ચોખાને ધોઈ લો અને 20 મિનિટ સુધી પાણીમાં પલાળો. ત્યારબાદ પલાળેલા ચોખામાંથી વધારાનું પાણી નિતારી લો.
એક પ્રેશર કૂકરમાં ધીમી આંચ પર ઘી અને તેલ એક સાથે ગરમ કરો. તેમાં મીઠો લીમડો, તજ અને લવિંગ નાખો અને સાંતળો.
આ પછી ડુંગળી નાખો અને તે આછી બદામી થાય ત્યાં સુધી સાંતળો. આ પછી સમારેલું ટામેટું, લીલાં વટાણા અને ગાજર નાખો. તેને થોડીવાર સાંતળો.
તેમાં પલાળેલા ચોખા, ગરમ મસાલા પાઉડર, હળદર, લાલ મરચું પાઉડર અને મીઠું નાખો. થોડીવાર સાંતળો પછી તેમાં પાણી નાખો અને બરાબર મિકસ કરો.
આ પછી કૂકરનું ઢાંકણું બંધ કરો અને મધ્યમ આંચ પર 2 સીટી થાય ત્યાં સુધી પકાવો. આ પછી ગેસને બંધ કરો. આ રીતે તમારા ટેસ્ટી વેજીટેબલ પુલાવ તૈયાર થઇ જશે.
પુલાવને એક બાઉલમાં કાઢો અને તાજાં લીલાં ધાણાથી સજાવો. પછી તેને સર્વ કરી શકો છો. તમે દહીં અથવા કઢી સાથે ખાઇ શકો છો.