Nov 28, 2025
દાલ બાટી એક પ્રખ્યાત વાનગી છે. તેને શિયાળામાં ખાવાની એક અલગ મજા છે
તમે ટેસ્ટી દાલબાટી ઘરે પણ બનાવી શકો છો. અહીં તેની રેસીપી જણાવી રહ્યા છીએ.
ઘઉંનો ઝીણો લોટ, રવો, મીઠું, કસુરી મેથી, અજમો, તેલ, ઘી, મગની દાળ, મસુરની દાળ, ચણાની દાળ, તુવેરની દાળ, આદુ લસણની પેસ્ટ, રાઇ, લાલ મરચું પાવડર, હળદર, ધાણાજીરું પાવડર, ગરમ મસાલો, ઝીણી સમારેલી ડુંગળી, ઝીણા સમારેલા ટામેટા, જીરુ, હિંગ, કોથમીર, લસણ, લીંબુ.
એક વાસણમાં ઘઉંનો લોટ અને રવો લો. તેમાં સ્વાદ મુજબ મીઠું, અજમો તથા કસૂરી મેથી, ઘી કે તેલ ઉમેરી બરાબર મિક્સ કરીને કઠણ લોટ બાંધો.
લોટને 15 થી 20 મિનિટ માટે ઢાંકી રાખો. પછી લોટ ને બરાબર મસળીને સારી રીતે બાટી બનાવી લો. આ પછી બાટીને શેકી લો. તમે તેને ઘી કે તેલમાં તળી પણ શકો છો.
સૌપ્રથમ બધી દાળને મિક્સ કરી તેને ધોઈને બાફી લો. દાળ બફાઈ ગયા બાદ હવે તેલનો વઘાર મુકી તેમાં રાઇને તતડવા દઈ તેમાં ડુંગળી, હિંગ ઉમેરો. ડુંગળી ગુલાબી થાય ત્યારબાદ તેમાં ટામેટુ અને બીજા બધા મસાલા ઉમેરી તેને શેકાવા દઈશું
તેલ છૂટું પડે એટલે બાફેલી દાળ નાખો અને એમાં 2 થી 4 ઉભરા આવા દો.
છેલ્લે થોડો ગરમ મસાલો નાખો. આ પછી તમે તેની અંદર ધાણા નાખી સર્વ કરી શકો છો.
બાટીને નરમ બનાવવા માટે તમે તેને ઘી માં બોળી પણ શકો છો.