Dec 06, 2025
શિયાળામાં વસાણા ખાવા શરીર માટે ખુબ જ લાભદાયી છે. ત્યારે મેથી પાક પણ શિયાળાનું પાવરફૂલ વસાણું છે.
ઘરે મેથી પાક બનાવવો સરળ છે. અહીં પરફેક્ટ માપ સાથે સામગ્રી અને બનાવવાની રીત જણાવી છે. તો રેસીપી નોંધી લો.
25 ગ્રામ બદામ, 25 ગ્રામ કાજુ, 25 ગ્રામ સુકી દ્રાક્ષ, 25 ગ્રામ પીસ્તા, 80 ગ્રામ ઘઉંનો લોટ, ત્રણ ચમચી અડદ દાળ, ત્રણ ચમચી મેથી દાણા, 50 ગ્રામ ગુંદ,
30 ગ્રામ સુકું ટોપરું, સવા 200 ગ્રામ દેશી ઘી, અને 200 ગ્રામ ગોળ, એક ચમચી ખસખસ, એક ચમચી ગંઠોળાનો પાઉડર, બે ચમચી સુંઠ પાઉડર, અડધી ચમચી હળદર,
સૌથી પહેલા આપેલા માપ પ્રમાણે મેથી દાણા, અડદ દાળ અને ગુંદને મીક્સર જારમા અલગ અલગ લઈને લોટ તૈયાર કરીશું.
હવે મેથીના લોટને એક કે બે ચમચી ઘીમાં પલાળીલો જેથી મીક્સ કરીશું ત્યારે કણી પડશે નહીં. આમ મેથી ઘીની પેસ્ટ તૈયાર થશે.
એક મોટી કઢાઈ લો તેમા 100 ગ્રામ જેટલું ઘી લઈને તેમાં ગાર્નિસિંગ માટે કાઢેલો ગુંદ તળીને બાજુ પર રાખો. કઢાઈમાં બાકી રહેલા ઘીમાં ઘઉંનો લોટ ઉમેરીને શેકી લઈશું.
ગેસની લો ફ્લેમ પર જ ઘઉંનો લોટ 50 ટકા શેકાઈ જાય ત્યારે તેમાં અડદનો લોટ ઉમેરીશું. લોટમાંથી સુંગદ આવવા લાગે ત્યારે પીસેલો ગુંદ ઉમેરી લઈશું.
હવે ગુંદ સારી રીતે શેકાઈ જાય ત્યારે તેમાં બદામની કતરણ અને કોપરાની છીણ ઉમેરીશું. ત્યાર બાદ તેમાં સુંઠ, ગંઠોળા અને હળદરને ઉમેરીને સારી રીતે મીક્સ કરીશું.
બધું સારી રીતે મીક્સ થઈ જાય ત્યારે મેથીની પેસ્ટ અને સુકી દ્રાક્ષ ઉમેરીશું અને ગેસની ફ્લેમ લો રાખી બધું સારી રીતે મીક્સ કરી શેકીશું.
હવે ગેસ બંધ કર્યા બાદ ગોળને મીશ્રણમાં થોડો થોડો કરીને ઉમેરતા રહીશું. બધુ બરોબર મીક્સ થયા બાદ છેલ્લા પીસ્તા અને ખસખસ ઉમેરીશું.
મીશ્રણને એક મોલ્ડમાં સેટ કરવા રાખી દો, તેના ઉપર ગુંદર, ટોપરાની છીણથી ગાર્નિસ કરો અને નાના કદમાં કટ કરો. આમ તૈયાર થઈ જશે તમારો મેથી પાક.